Betulacoj

La betulacoj^[2] (latine Betulaceae) estas planta familio el la dukotiledonaj angiospermoj. Tiu familio apartenas al la ordo fagaloj (Fagales). Ĝi enhavas 6 genrojn kaj ĉirkaŭ 230 speciojn^[1],[3]. Ĝia tipa genro estas betulo^[2].

Kiel legi la taksonomion Betulacoj
penda betulo (Betula pendula)
Biologia klasado
Regno: plantoj Plantae Subregno: trakeofitoj Tracheophyta Superdivizio: spermatofitoj Spermatophyta Divizio: angiospermoj Angiospermae Klaso: dukotiledonoj Magnoliopsida Subklaso: rozedoj Rosidae fabedoj Fabidae Ordo: fagaloj Fagales Familio: betulacoj Betulaceae Gray [1]
Tipa genro
betulo Betula L.
Aliaj Vikimediaj projektoj
Sistematiko en Vikispecioj
Komunejo pri Betulacoj
v • d • r

Ĉiuj estas arboj aŭ arbedoj, vivas en mildaj ĝis malvarmaj klimatoj kaj ofte formas populaciojn. La floroj estas unuseksaj, plejofte grupigitaj en amentoj, sed ĉiu individua arbo estas duseksa, havante la du tipojn de floroj. La fruktoj estas akenoj envolvitaj en brakteoj. Nur tiu de la avelujo (Corylus) estas por homoj manĝebla. Betulacaj arboj akceptas ektomikorizojn, ili do vivas simbioze kun fungoj kiel amanitoj, trikolomoj, boletoj, laktarioj, rusuloj kaj multaj aliaj.

Al tiu familio apartenas interalie la alno, la betulo, la avelujo kaj la karpeno.

Taksonomio

Laŭ World Flora Online kaj The Plant List (22 maj. 2020)^[1],[3], jen ĉi-sube la listo de la akceptitaj taksonoj, kaj ties Esperantaj nomoj^[4]:

• Angiospermae - angiospermoj
  • Fagales Engl. - fagaloj
    • Betulaceae Gray - betulacoj
      • Alnus Mill. - alno^[5]
      • Betula L. - betulo^[2]
      • Carpinus L. - karpeno^[6]
      • Corylus L. - korilo^[7]
      • Ostrya Scop. - ostrio
      • Ostryopsis Decne. - ostriopso

Bildaro

• 
  glueca alno (Alnus glutinosa)
• 
  avelkorilo (Corylus avellana), foliaro kaj nuksoj
• 
  avelkorilo (Corylus avellana)
• 
  penda betulo (Betula pendula), ilustraĵo
• 
  Betula papyrifera