Breakthrough Starshot

La projekto Breakthrough Starshot (esperante Trarompa stellanĉo), lanĉita komence de 2016, celas sendi milojn da kosmosondiloj pezantaj ĉirkaŭ 1 gramon, ekipitaj per sunaj veloj, al Alfa Centaŭro, la plej proksima stelsistemo de la sunsistemo. La malalta pezo de ĉi tiuj sondiloj, kombinita kun la potenco de la tera lasero uzata por propulsi ilin, ĝis 100 gigavatoj, ebligus atingon de 20% de la lumrapido en vakuo kaj tiel povi resendi bildojn de eblaj ekstersunsistemaj planedoj de Alfa Centaŭro, precipe Proksimo b, ene de 40 ĝis 50 jaroj^{[nb 1]}.

Ĉi tiu projekto tiel provas eviti la tempolimon truditan de konvenciaj propulsmetodoj (kemia aŭ nuklea propulso), kiu malelbigas la esploradon de najbaraj steloj, ĉar la daŭro de la vojaĝo estus almenaŭ plurcentjara. La projekto estas parto de la programo Breakthrough Initiatives (eo: Trarompaj Iniciatoj), kiu ankaŭ inkluzivas programon nomatan Breakthrough Listen (Trarompa Aŭskultado), kiu serĉas radio- aŭ laserajn emisiojn de proksimaj steloj, kiuj povus esti la manifestiĝo de eksterteraj civilizoj. Antaŭesploroj de Breakthrough Starshot estas financataj je 100 milionoj da usonaj dolaroj fare de Jurij Milner^[2], kun subteno de pluraj famaj sciencistoj, inkluzive de Stephen Hawking kaj Freeman Dyson. Ĝin gvidas Pete Worden.

Notoj

1. Laŭ Jurij Milner, la disvolviĝo de la projekto daŭrus ĉirkaŭ dudek jarojn, ankaŭ la vojaĝo de la sondiloj al la sistemo Alfa Centaŭro daŭrus ĉirkaŭ 20 jarojn kaj la alveno de la unuaj datumoj de la sistemo daŭrus 4 jarojn por atingi la Teron^[1].