Centriolo

Centriolo estas tiu ĉela korpeto (organelo), kiu partoprenas en la organizado de kromatino kaj havas gravan rolon ĉe mitozaj ĉeldivido, ĉar ĝi partoprenas en formado de spindelaparato.

Skemo de tipa animala ĉelo, montranta subĉelajn erojn. Organetoj: (1) nukleolo (2) kerno (3) ribosomo (4) veziketo (5) malglata endoplasma retikulo (ER) (6) Golĝi-aparato (7) citoskeleto (8) glata ER (9) mitokondrio (10) vakuolo (11) citoplasmo (12) lizosomo (13) centrioloj

Centriolo troveblas en plimulto de bestaj ĉeloj kaj en ĉeloj de la malpli evoluintaj plantoj (sed ne troveblas ĉe la pli evoluintaj plantoj (angiospermoj)).

Ili estas ĉ. 0,3-0,5 μm-longaj estaĵoj, kiuj troviĝas en la citoplasmo, proksime la la ĉelkerno. Ĉiu ĉelo entenas unu centriolan paron, kiu estas formata el 9 rondformaj mikrotubuloj.

Eksteraj ligiloj

• Kategorio Centriolo en la Vikimedia Komunejo (Multrimedaj datumoj)
• Centriolo en ReVo

• Fotoj Arkivigite je 2009-04-08 per la retarkivo Wayback Machine