Fakaj Esperanto-asocioj

Faka Esperanto-asocio estas specialigita esperantista asocio, starigita por homoj de koncerna mondkoncepto, profesio, ŝatokupo ktp.

Listo de fakaj asocioj laŭ temo

Pli detalaj informoj troveblas en artikolo Ĝermolisto de Esperanto-asocioj.

Multaj el la asocioj montrataj sube laŭ la stato de 2025 ne plu funkcias. Tamen listiĝas ankaŭ historiaj fakaj grupiĝoj esperantistaj. Kelkaj el tiuj asocioj estas ligitaj al la Universala Esperanto-Asocio, kaj aperas en la Jarlibro de UEA.

Aperas en la sekvaj tabeloj fakaj asocioj, kaj kie eblas dato de kreiĝo kaj dato de aliĝo al UEA

Politiko, vivstilo

Fako	Asocio	Kunlaboro kun UEA
Etnismo	(1978) Internacia Komitato por Etnaj Liberecoj, IKEL	kunlaboranta kun UEA
Kat-amantoj	(1986) Rondo “Kato” – Esperantista Kat-amikaro, RK	kunlaboranta ekde 2006
Komunismo	Internacia Komunista Esperantista Kolektivo, IKEK	kunlaboranta ekde 1998
Komunumoj	(1993) Hejmoj de Internacia Kulturo, HIK
Kultura agado	(1988) Organiza Societo de Internaciaj Esperanto-Konferencoj, OSIEK	kunlaboranta ekde 1995, malfondiĝis en 2019
Laborista Esperanto-movado	(1921) Sennacieca Asocio Tutmonda, SAT
Laborista Esperanto-Asocio	(1928) Laborista Esperanto-Asocio
Mondcivitanismo	(1949) Esperantista Internacia Centro de Mondcivitanoj, EICM
Naturismo	(1961) Internacia Naturista Organizo Esperantista, INOE	kunlaboranta ekde 1978
Naturo	Internacia Federacio de Naturamikoj (post TANEF)
Nefumismo	(1995) Tutmonda Asocio de Esperantistaj Nefumantoj, TADEN
Paco	(1953) Mondpaca Esperantista Movado, MEM	kunlaboranta ekde 1983
Rotario	Rotaria Amikaro de Esperantistoj, RADE
Saniĝo per spiritaj fortoj	(1992) Amikaro Bruno Gröning – Esperanto-sekcio	kunlaboranta ekde 1996
Solidareco	Monda Solidareco kontraŭ la Malsato, MSM
Tutmondiĝo (universalismo)	(2009) UNU MONDO
Vegetarismo	(1908) Tutmonda Esperantista Vegetarana Asocio, TEVA	kunlaboranta ekde 1980
Vivstilo	Movado sen Nomo	kunlaboranta ekde 1989

Religio

Fako	Asocio	Kunlaboro kun UEA
Ateismo	(1987) Ateista Tutmonda Esperanto-Organizo, ATEO	kunlaboranta ekde 1990
Bahaismo	(1973) Bahaa Esperanto-Ligo, BEL	kunlaboranta ekde 1975
Bibliismo, Orientalismo	(1967) Internacia Asocio de Bibliistoj kaj Orientalistoj (IABO)[1]	kunlaboranta ekde 1967
Budhismo	(1925) Budhana Ligo Esperantista, BLE
Ekumenismo	(1986[2]) Tutmonda Ekumena Ligo, TEL
Evangeliismo	(1911) Kristana Esperantista Ligo Internacia, KELI	kunlaboranta kun UEA
Fokolar-Movado	(1943) Esperanto-grupo en la Fokolar-Movado
Hilelismo	(2001) Hilelista Esperanto-Komunumo, HEK
Islamo	(2007) Islama Esperanto-Asocio
Katolikismo	(1910) Internacia Katolika Unuiĝo Esperantista, IKUE	kunlaboranta ekde 1951
Kvakerismo	(1921) Kvakera Esperanto-Societo, KES	kunlaboranta ekde 1971
Mormonoj	(1980) Por-Esperanta Mormonaro, PEM
Oomoto	(1923) Esperanto-Populariga Asocio, EPA	kunlaboranta ekde 1985
Ortodoksismo	(2005) Kristana Ortodoksa Rondo Esperantista
Religi-komparado	(1989) Asocio de Studado Internacia pri Spiritaj kaj Teologiaj Instruoj, ASISTI	kunlaboranta ekde 1991
Spiritismo	(1975) Spiritisma Eldona Asocio F. V. Lorenz (1990) Monda Spiritisma Asocio (2008) Spiritisma Esperanto-Asocio	SEAFVL kunlaboranta ekde 1996
Ŭonbulismo	(1980) Esperantista Asocio de Ŭonbulismo, EAŬ

Laboro

Fako	Asocio	Kunlaboro kun UEA
Agrikulturo	(1998) Internacia Agrikultura Esperanto-Asocio
Aŭtomobilismo	Internacia Esperanto-Klubo Aŭtomobilista (IEKA) verŝajne malfunkciis en 1995
Fervojistoj	(1909) Internacia Fervojista Esperanto-Federacio, IFEF	aliĝinta ekde 1953
Freinet-pedagogio	Internacia Celado por Edukado Moderna per Esperanto (ICEM Esperanto)
Instruo	(1949) Internacia Ligo de Esperantistaj Instruistoj, ILEI	aliĝinta ekde 1990
Juro	(1989) Esperanta Jura Asocio	kunlaboranta ekde 1992
Ĵurnalismo	(1948) Tutmonda Esperantista Ĵurnalista Asocio, TEĴA	kunlaboranta ekde 1948
Konstruistoj	(1993) Tutmonda Asocio de Konstruistoj Esperantistaj, TAKE
P.T.T.	(1966) Internacia Poŝtista kaj Telekomunikista Esperanto-Asocio (IPTEA)	estis kunlaboranta ekde 1968 ĝis 2004 (?)
Sindikatoj	Sindikata Agado
Verkistoj	(1983) Esperantlingva Verkista Asocio (EVA)	estis kunlaboranta ekde 1984 ĝis 2004 (?)

Sciencoj

Fako	Asocio	Kunlaboro kun UEA
Alternativa Ekonomio	SIKA-Esperanto
Astronomio	Astronomia Esperanto-Klubo (AEK)
Biologio	Biologia kaj Ornitologia Rondo Esperantlingva (BORE)
Ekologio	(1984) Asocio de Verduloj Esperantistaj, AVE	kunlaboranta ekde 1994
Ekonomio	(1985) Internacia Komerca kaj Ekonomia Federacio, IKEF	aliĝis en 1994
Filozofio	(1983) Filozofia Asocio Tutmonda, FAT	kunlaboranta ekde 1983
Informadiko	(2017)[3] Asocio de Junaj Informadikistoj, AJI
Matematiko	(1974)[4] Internacia Asocio de Esperantistaj Matematikistoj (IAdEM)	estis kunlaboranta ĝis 2004 (?)
Medicino	(1908) Universala Medicina Esperanto-Asocio, UMEA (1986) Internacia Naturkuraca Asocio, INA Monda Yumeiho-Societo	UMEA aliĝis al UEA INA estis kunlaboranta ekde 1992 ĝis 2013 (?)
Scienco	(1906) Internacia Scienca Asocio Esperantista, ISAE	aliĝis al UEA

Ŝatokupoj

Fako	Asocio	Kunlaboro kun UEA
Aikido	(2012) AikidEo
Biciklado	(1980) Biciklista Esperantista Movado Internacia, BEMI	faka sekcio de TEJO
Filatelo	(1968) Esperanto-Ligo Filatelista – Amika Rondo de Esperantaĵ-Kolektantoj (ELF-AREK)[5]	kunlaboranta ekde 2008
Goo	(1979) Esperantista Go-Ligo Internacia, EGLI	kunlaboranta ekde 1979
Motorciklado	(1997) Esperantista Motorciklanta Ĉeno (EMĈ)
Muziko	(1963) Muzika Esperanto-Ligo, MEL (1988) EUROKKA (Esperanto-Rok-Asocio) Klavar-unuiĝo Nederlanda (KuN)[6]	MEL kunlaboranta ekde 1963 EUROKKA estas faka sekcio de TEJO
Numismatiko	(2012) Esperanto – Numismatika Asocio, ENA
Futbalo	(2014) Tutmonda “Esperanto” Futbala Asocio, TEFA
Radio	Amikaro de Esperanto en Radio (AERA)
Radioamatoroj	(1970) Internacia Ligo de Esperantistaj Radioamatoroj, ILERA	kunlaboranta kun UEA
Ŝako	(1958) Esperanta Ŝak-Ligo Internacia (EŜLI)	estis kunlaboranta kun UEA en 1975
Sporto	(2004) Monda Esperanta Ligo por Sporto
Tajĝiĉuano	(2005) Universala Tajĝiĉuan-Grupo de Esperanto, UTGE

Aliaj

Fako	Asocio	Kunlaboro kun UEA
Arto	Universala Artista Ligo de Esperantistoj (UALE)
Blinduloj	(1951) Ligo Internacia de Blindaj Esperantistoj, LIBE	aliĝinta ekde 1981
Eŭropa agado	Eŭropa Klubo Asocio por Eŭropa Konscio, AEK (1977) Eŭropa Esperanto-Unio, EEU (2003) Eŭropo Demokratio Esperanto, EDE	Eŭropa Klubo estis kunlaboranta ekde 1994 ĝis ? EDE kunlaboranta ekde 2006
Familioj Esperantaj	Rondo Familia
Forstado	Internacia Forstista Rondo Esperantlingva (IFRE)
Framasonismo	(2015) Internacia Framasona Ligo, IFL
GLAT, samseksemo	(1977) Ligo de Seksemdiversaj Geesperantistoj (antaŭe: Ligo de Samseksamaj Geesperantistoj), LSG	kunlaboranta ekde 1990
Handikapitoj	(1991) Asocio de Esperantistoj Handikapuloj, AEH	kunlaboranta ekde 1996
Interreto	(2001) Esperanto ĉe Interreto, E@I
Martinus-kosmologio	Martinus-Instituto
Libera kulturo	(2013) Esperanto kaj Libera Scio, ELiSo
Mensa	Espermenso
Progresema agado	(2005) Monda Asembleo Socia, MAS	kunlaboranta ekde 2009
Skoltoj	(1918) Skolta Esperanto-Ligo (SEL)	kunlaboranta kun UEA
Kursoj por junaj senlaboruloj	Apsike 1997
Teo	(2019) Teamanta Esperantista Organizo (TEO)
Tradukado	Internacia tradukreto pere de esperanto (ITRE)
Turismo	Monda Turismo (MT)
Unesko	Monda Kunagado
Veteranoj	(1949) Veterana Esperantista Klubo, VEK	kunlaboranta ekde 1957

Kunlaboro kun UEA kaj TEJO

Statuto de TEJO, 1978.

Ses el la ĉi-supre listigitaj aliĝis al la Universala Esperanto-Asocio (ISAE - scienca asocio, IFEF - fervojista, UMEA - medicina, IKEF - komerca kaj ekonomia, ILEI - instruista, LIBE - blindula)^[7]. Ties komitatanoj aperas en la listo de la komitatanoj de UEA - ĉiu asocio havas po unu. Dudek naŭ fakaj asocioj havas kontrakton pri kunlaboro kun UEA^[7]. Du asocioj funkcias kiel fakaj sekcioj de la Tutmonda Esperantista Junulara Organizo (BEMI - biciklista, EUROKKA - muzika)^[8]. Aliaj ne havas formalan ligon kun UEA, sed aperas (nedetale) en la Jarlibro de UEA.