Forblovilo

Forblovilo estas maŝino, kiu elĵetas areon por forblovi la mortintajn foliojn kaj aliajn malpezajn rubaĵojn, celante arigi ilin en amaso, kiu povos esti forprenita per forko aŭ polvosuĉilo.

forblovilo por folioj

Ĝi funkcias per dutakta motoro aŭ elektromotoro, versioj pli freŝdataj havas kvartaktan motoron.

Ĝi estas mane portebla, pli grandaj modeloj estas dorse porteblaj. Ĝi povas esti reversebla kaj efiki kiel polvosuĉilo, la folioj amasiĝas en tolan sakon.

Historio

Oni ne bone scias kiam tiu maŝino estis eltrovata. Laŭ iaj fontoj ĝi aperus en Japanio^[1] en la 1970-aj jaroj, laŭ aliaj eltrovis ĝin Dom Quinto en Usono en la 1950-aj jaroj. Origine ĝi estus utilita por disĵeti fitosanitarajn produktojn.

Malavantaĝoj

La uzo de la forblovilo havas plurajn malavantaĝojn:

• Ĝi forbrulas benzinon kaj ellasas forcej-efikajn gasojn,
• Ĝi malbone forblovas malsekajn foliojn,
• Kiam estas vento, la amasoj da folioj dispeliĝas,
• Ĝi levigas polvon kaj eretoj de bestaj fekaĵoj, kiuj, enspiritaj, povas estigi infekton.
• Ĝia pezo kaj vibradoj estigas gravajn muskolajn-skeletajn malordojn,
• Ĝia bruo kreas bruan poluon kaj povas estigi tiniton ĉe la uzanto kaj la najbaroj^[2].

Pro tio, estas leĝoj pri la uzo de forblovilo en pluraj landoj:

• En la 1970-aj jaroj pluraj urboj de Kalifornio malpermesis ĝian uzon^[3];
• En Kanado, la urbo Vankuvero malpermesis la uzon de maŝinoj kies bruo superas 65 decibelojn^[4]
• En Parizo estas moratorio kontraŭ la bruaj maŝinoj (en kiuj la forbloviloj);
• En la Kantono Ĝenevo, la uzo de forbloviloj kaj de gazontondiloj estas malpermesita de 20 h ĝis 8 h, de lundo ĝis sabato, kaj la forbloviloj estas permesitaj nur inter la 31-a de oktobro kaj la 31-a de januaro^[5]