Jared Taylor

Samuel Jared Taylor (naskiĝis la 15-an de septembro 1951) estas usona blanka naciisto, kiu estas la fondinto kaj redaktoro de American Renaissance, gazeto ofte karakterizata kiel blanka superecisma publikaĵo. Taylor estas ankaŭ verkisto kaj la prezidento de la supera organizo de American Renaissance, New Century Foundation, per kiu multaj liaj libroj estis eldonitaj. Li estas iama direktoro de National Policy Institute, blank-naciisma pensfabriko.^[1] Li estas ankaŭ estrarano kaj parolanto por Council of Conservative Citizens, blanka superecisma grupo, kiu supoze inspiris la pafinton en la kirka pafmasakro en Charleston.^[2][3]

Jared Taylor
Persona informo
Naskonomo	Samuel Jared Taylor
Naskiĝo	15-an de septembro 1951 (1951-09-15) (73-jaraĝa) en Kobeo
Lingvoj	angla • japana • franca vd
Loĝloko	Oakton • Zentsuji vd
Ŝtataneco	Usono vd
Alma mater	Universitato Yale - filozofio (–1973) Instituto pri Politikaj Studoj de Parizo - internacia ekonomiko (–1978) Canadian Academy (en) vd
Infanoj	2
Profesio
Okupo	politika aktivisto filozofo verkisto de nefikcio vd
Laborkampo	race and intelligence (en) kaj sociology of race and ethnic relations (en) vd
Postenoj Postenoj prezidanto (1994–) prezidanto (1990–) vd
En TTT	Oficiala retejo vd
vd	Fonto: Vikidatumoj
v • d • r

Civilaj rajt-grupoj, la novaĵa gazetaro kaj akademianoj, kiuj studas rasismon en Usono, karakterizas Taylor, kaj la organizojn kun kiuj li asociiĝas, kiel reklamantojn de rasismaj ideologioj.^[4][5][6][7] Li estis menciita kiel intelekta reprezentanto de la movado alt-right, kies anoj supoze estis respondecaj por la sukcesa nomumo de Donald Trump al la prezidenta kandidateco por la usona Respublikana Partio en 2016.^[8]