Tribunalo (juro)

Tribunalo aŭ kortumo (precipe altnivela instanco) aŭ juĝejo (precipe loko) estas institucio, kiun ŝtato kreis por okazigi procesojn.

Koncerne aliajn signifojn aliru la apartigilon Tribunalo.

tribunalo aŭ juĝejo

Depende de la tipo de procesoj oni havas apartajn civilajn, kriminalajn, administraciajn, militajn tribunalojn. Specialan rolon havas konstitucia tribunalo, disponebla nur en certaj ŝtatoj, kies tasko estas kontroli, ĉu leĝoj kaj verdiktoj kongruas al la konstitucio de la ŝtato. Ekzemple Svedlando kaj Usono ne havas konstitucian tribunalon.

Proverbo

Ekzistas pluraj (14, nenio pri juĝejo aŭ tribunalo) proverboj pri juĝo en la Proverbaro Esperanta de L. L. Zamenhof, inter ili^[1]:

• 	„ Pli valoras interkonsento, ol juĝa dokumento. ”

• 	„ Juĝo komencita paciĝon ne malhelpas. ”

• 	„ Kiu komencas juĝon, iras sub jugon. ”