Kemisintezo

Kemisintezo aŭ ĥemisintezo estas praa tipo de la aŭtotrofa asimilado. Dum la kemisintezo, la konstruo de la organikaj materialoj okazas ne per lumenergio (fotosintezo), sed per kemia energio, per oksidigo de la ĉirkaŭaj kombinaĵoj. La sintezo okazas same kiel ĉe la fotosintezo el akvo kaj karbona dioksido, same estiĝas adenozina trifosfato (ATP) - kiel konservanto de la liberiĝanta energio - kaj NADPH - konservanta la hidrogenon de la akvo.

La plej gravaj oksideblaj kombinaĵoj estas la amoniako, la nitritoj, la hidrogengaso, la karbona monooksido, metano, fero- kaj mangansaloj, la sulfura hidrogeno, sulfuro, tiolsulfato.

La plej gravaj kemisintezaj organismoj estas la nitrigaj bakterioj, la hidrogenbakterioj, la fer- kaj sulfurbakterioj.

Ekzemploj

• sulfurbakterioj (oksidigo de sulfura hidrogeno H₂S)
• nitrigaj bakterioj, (oksidigo de amoniako NH₃ aŭ de nitrito NO₂⁻)
• ferbakterioj (oksidigo de duvalora fero Fe²⁺ al trivalora fero Fe³⁺)
• anaerobaj metanbakterioj (oksidigo de hidrogeno H₂ per karbona dioksido CO₂ al akvo H₂O kaj metano CH₄)