Konsilio de Eŭropo

La Konsilio de Eŭropo estas politika interregistara organizaĵo fondita en 1949 kun ĉefsidejo en la Palaco de Eŭropo, Strasburgo, Francio. Ĝia misio estas garantii demokration, homajn rajtojn kaj justecon en Eŭropo. Ĝi enkalkulas 800 milionojn da homoj en 47 ŝtatoj (kontraste al 27 en Eŭropa Unio). La Konsilio de Eŭropo celas konstrui pli grandan Eŭropon bazitan sur komunaj valoroj, inkluzive de toleremo kaj respekto al kultura kaj lingva diverseco^[1].

Konsilio de Eŭropo
Elaera vidaĵo de la Palaco de Eŭropo, sidejo de la Konsilio de Eŭropo
interregistara organizaĵo
Komenco	5-a de majo 1949 vd
Geografia situo	48° 35′ 42″ N, 7° 46′ 19″ O (mapo)48.5949479476997.7719320473743
Lando(j)	Francio vd
Sidejo	Palaco de Eŭropo
Konsilio de Eŭropo (Strasburgo) DEC
Konsilio de Eŭropo
Ĝenerala(j) Sekretario(j)	Alain Berset (2024–) vd
Lingvoj	angla lingvo • franca lingvovd germana lingvo • itala lingvo • rusa lingvo • turka lingvo • franca lingvo • angla lingvovd
Filioj	Eŭropa Kortumo pri Homaj Rajtoj Kongreso de Lokaj kaj Regionaj Aŭtoritatoj Eŭropa Komisiono kontraŭ Rasismo kaj Netoleremo Komitato de Ministroj de la Konsilio de Eŭropo European Commission for the Efficiency of Justice (en) Parlamenta Asembleo de la Konsilio de Eŭropo Claims Commission for Ukraine (en) vd
Partoj Albanio, Andoro, Armenio, Aŭstrio, Azerbajĝano, Belgio, Bosnio kaj Hercegovino, Bulgario, Kroatio, Kipro, Ĉeĥio, Ĉeĥoslovakio, Danio, Estonio, Francio, Kartvelio, Germanio, Grekio, Hungario, Islando, Irlando, Italio, Latvio, Liĥtenŝtejno, Litovio, Luksemburgio, Malto, Moldavio, Monako, Montenegro, Nederlando, Nord-Makedonio, Norvegio, Pollando, Portugalio, Rumanio, Rusio, San-Marino, Sarlando, Serbio, Serbio kaj Montenegro, Slovakio, Slovenio, Hispanio, Svedio, Svislando, Turkio, Ukrainio kaj Unuiĝinta Reĝlando vd
Posedatoj	European Court of Human Rights building (en) Palaco de Eŭropo vd
Retejo	Oficiala retejo
v • d • r

Memore al ĝia fondiĝo, oni festas ĉiujare, la 5-an de majo, la Eŭropan tagon.

Eblaj konfuzoj

Atentu ne konfuzi la Konsilion de Eŭropo kun:

• la Konsilio de Eŭropa Unio, kiu estas politika kaj leĝfara institucio de Eŭropa Unio, kaj kiu konsistas el la membroŝtataj ministroj;
• la Eŭropa Konsilio, kiu konsistas el la registarestroj (ŝtatestroj aŭ kabinetestroj) de la membroŝtatoj de Eŭropa Unio – ĝi difinas la esencon de la ĝenerala politiko de Eŭropa Unio.

Celoj

La Konsilio de Eŭropo celas:

• Defendi la homajn rajtojn kaj la parlamentan demokration, kaj garantii la unuaecon de juro;
• Ellabori kontinentskalajn traktatojn por harmoniigi la socialajn kaj jurajn praktikojn de la membroŝtatoj;
• Faciligi la konsciiĝon pri eŭropa identeco surbaze de komunaj valoroj kaj malgraŭ la kulturaj diferencoj.

Organoj

La ĉefaj organoj de la Konsilio de Eŭropo estas:

• Komitato de Ministroj: ĝi konsistas el 46 ministroj pri Eksterlandaj Aferoj aŭ el iliaj delegitoj; ĝi estas la decida organo de la organizaĵo;
• Parlamenta Asembleo: ĝi konsistas el 630 membroj (315 plenrajtaj kaj 315 anstataŭaj) devenantaj de la 46 landaj parlamentoj.
• Kongreso de Lokaj kaj Regionaj Povoj: ĝi konsistas el la Ĉambro de Lokaj Povoj kaj la Ĉambro de Regionaj Povoj;
• Ĝenerala Sekretariejo: ĝi konsistas el 1 800 oficistoj.
• Komisiito de la Konsilio de Eŭropo pri homaj rajtoj
• Eŭropa Komisiono kontraŭ Rasismo kaj Netoleremo
• Eŭropa Junulara Centro

Traktatoj kaj rekomendoj

La Konsilio de Eŭropo ellaboris 199 traktatojn aŭ konvenciojn pri homaj rajtoj, lukto kontraŭ la organizita krimularo, prevento de torturo, protekto de la datenoj, de malplimulto, kultura kunlaboro, ktp... Inter ili estas:

• Eŭropa Konvencio pri Homaj Rajtoj, subskribita en 1950 kaj ekefikinta en 1953;
• Eŭropa Sociala Ĉarto, subskribita en 1961 kaj ekefikinta en 1966;
• Eŭropa Ĉarto pri la Regionaj kaj Minoritataj Lingvoj, subskribita en 1992;
• Kadra konvencio por la protekto de naciaj malplimultoj, interkonsentiĝis la 1-an de februaro 1995 kaj ekvalidis la 1-an de februaro 1998.

Krome la Konsilio de Eŭropo alprenis cele al la registaroj rekomendojn, kiuj difinas ĉefprincipojn pri juro, sano, amasinformado, instruado kaj edukado, kulturo, sporto...

Membroŝtatoj

Membroŝtatoj de la Konsilio de Eŭropo

Fondintaj membroŝtatoj

1.  Belgio
2.  Britio
3.  Danio
4.  Francio
5.  Irlando
6.  Italio
7.  Luksemburgio
8.  Nederlando
9.  Norvegio
10.  Svedio

Ceteraj, nefondintaj membroŝtatoj

Albanio	Latvio
Andoro	Liĥtenŝtejno
Armenio	Litovio
Aŭstrio	Nord-Makedonio
Azerbajĝano	Malto
Bosnio kaj Hercegovino	Moldavio
Bulgario	Monako
Ĉeĥio	Pollando
Estonio	Portugalio
Finnlando	Rumanio
Kartvelio	Rusio
Germanio	San-Marino
Grekio	Serbio
Hispanio	Slovakio
Hungario	Slovenio
Islando	Svislando
Kipro	Turkio
Kroatio	Ukrainio

En marto 2022, post la Invado de Rusio en Ukrainion, Rusio, sub minaco de forpelo, decidis retiriĝi el la Konsilio de Eŭropo.

Esperantujo

Konsilio de Eŭropo en kunlaboro kun ALTE

En novembro 2020 dudeko da fakuloj kunlaboris kun KCE pri lingvotestado ĉe enmigrintoj, rifuĝintoj, azilpetantoj, laŭ komisio de ALTE kaj la Konsilio de Eŭropo pri LASLLIAM (esperantigebla al "La Alfabetigo kaj Sekundara Lernado por la Lingva Integrigo de Adoltaj Migrantoj")^[2][3]. Konsilio de Eŭropo komisiis la preparon de la koncerna dokumentaro en kiu KCE oficiale partoprenis, kies traduko aperis en la retejo de ALTE ("La panoramo 2018 de Konisilio de Eŭropo kaj ALTE pri lingva kaj socikona politikoj por migrantoj"). Flankefiko estas ke la Konsilio de Eŭropo eldonis faldfolion pri ĝi en Esperanto, rete alirebla en ĝia oficiala retejo^[4].