Legoma spinaco

La legoma spinaco^[1] (Spinacia oleracea) estas unujara planto el la familio de la amarantacoj (Amaranthaceae) kiu parencas al la kvinoo kaj atriplo. Ĝi estas rapide kreskanta folia legomo, kiu jam frue dum la printempo haveblas. Ĝi estas malnova legomo kiu por la unua fojo estis kultivata en Persio.

Kiel legi la taksonomion Legoma spinaco
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj Magnoliopsida Ordo: Kariofilaloj Caryophyllales Familio: Amarantacoj Amaranthaceae
Tipa genro
Spinaco Spinacia L. 1753
Subfamilioj
Amaranthoideae
Aliaj Vikimediaj projektoj
Sistematiko en Vikispecioj
Komunejo pri Legoma spinaco
v • d • r

La vorto spinaco devenas de la persa vorto اسفناج 'Esfenaj'. Spinaco kreskas en la tuta mondo escepte de la tropikoj. Kvankam en Ĉinio oni jam dum jarcentoj kultivis spinacon la planto atingis Eŭropon nur dum la 12-a jarcento per la alveno de la Maŭroj en Hispanio. Dum la 16-a jarcento spinaco ankoraŭ estis novaĵo en Italio, sed tamen jam normalaĵo en Anglio. La unua uzado estis limigita al laksigilo. La laksiga efiko okazas pro la alta enhavo de okzalata acido.

Nutra valoro

100 gramoj da freŝa spinaco enhavas:

• Energio: 15 Kkal / 63 KĴ
• Akvo: 93,6 %
• Proteino: 2,5 g
• Karbohidrato: 0,6 g
• Sukero: 0,4 g
• Graso: 0,3 g
• Okzalata acido: 800 mg
• Karoteno: 5 mg
• Vitamino A: 0,8 mg
• Vitamino B1: 0,11 mg
• Vitamino B2: 0,2 mg
• Nikotina acido (Vitamino B3): 0,6 mg
• Vitamino B6: 0,2 mg
• Vitamino C: 52 mg
• Vitamino E: 2 mg
• Fero: 4,1 mg
• Kalio: 650 mg
• Kalcio: 150 mg
• Kupro: 0,12 mg
• Magnezio: 45 mg
• Natrio: 65 mg
• Fosforo: 55 mg
• Zinko: 0,50 mg

Spinaco estas riĉa je fero, karoteno, vitamino E kaj antioksidantoj.

Fotaro

• 
  Spinaco en forcejo
• 
  Ĉefe ina floranta planto
• 
  Inaj floroj
• 
  Ĉefe vira floranta planto
• 
  Kuirita spinaco