Manuso
From Wikipedia, the free encyclopedia
Remove ads
Manuso (Manus) estas insulo kaj parto de la Provinco Manus en norda Papuo-Nov-Gvineo kaj estas la plej granda el la Admiralitataj Insuloj. Ĝi estas la kvina plej granda insulo en Papuo-Nov-Gvineo, kun areo de 2 100 km², estante ĉirkaŭ 100 km × 30 km. Manus-Insulo estas kovrita de krudaj ĝangaloj, kiuj povas esti larĝe priskribitaj kiel malaltebenaĵa tropika pluvarbaro. La plej alta punkto sur Manus-Insulo estas Monto Dremsel, 718 metrojn super marnivelo en la centro de la suda marbordo. Manus-Insulo estas vulkana laŭ origino kaj probable trarompis la oceanan surfacon en la malfrua Mioceno, antaŭ 8 ĝis 10 milionoj da jaroj. La substrato de la insulo estas aŭ rekte vulkana aŭ el levita korala kalkoŝtono.
Lorengau, la ĉefurbo de la provinco Manus, situas sur la insulo. La flughaveno Momote, terminalo por la provinco Manus, situas sur la proksima insulo Los Negros. Ponto ligas la insulon Los Negros al la insulo Manus kaj la provinca ĉefurbo Lorengau. En la censo de 2000, la tuta provinco Manus havis loĝantaron de 50 321. La aŭstroneziaj manusaj lingvoj estas parolataj sur la insulo.
Papuo-Nov-Gvineo permesis al la registaro de Aŭstralio funkciigi kontestatan enmaran enmigradan arestejon, nome la Manus Regional Processing Centre, kiu situis sur apuda insulo Los Negros de 2001 ĝis 2017, por loĝigi azilpetantojn alvenantajn per boato trovitajn ene de la difinitaj teritoriaj limoj de Aŭstralio.
Remove ads
Naturo
Manus-insulo estas hejmo al la endemia smeraldverda heliko, kies konkoj estis rikoltitaj por esti venditaj kiel juveloj; tio daŭras, kvankam je pli malgranda skalo, ĉar pro la statuso de la heliko kiel minacata specio, ĝia vendo por ĉi tiu celo nun estas kontraŭleĝa en multaj jurisdikcioj.
Ankaŭ la strigo Manusa bubuko (Ninox meeki) estas endemio de la insulo.
Eksteraj ligiloj
- ManusIsland.com
- Steffen Dalsgaard. (September 2013) “27. Between Eagles and Flying Foxes: Elections for the Manus Provincial and Open Seats”, R.J. May: Election 2007: The Shift to Limited Preferential Voting in Papua New Guinea, State, Society and Governance in Melanesia. ANU Press, p. 477–501. doi:10.22459/E2007.09.2013. ISBN 9781922144300.
Remove ads
Wikiwand - on
Seamless Wikipedia browsing. On steroids.
Remove ads