Manusa bubuko

Manusa bubuko (Ninox meeki), konata ankaŭ kiel Manusinsula bubuko, Manusa akcipitrostrigo aŭ Manusinsula akcipitrostrigo, estas specio de strigoj en la familio Strigedoj kaj genro Ninox. Ĝi estas endemio de la insulo Manuso, en la Insuloj Admiralitato norde de Nov-Gvineo. Ĝi estas malgranda strigo. Ĝi havas senmarkan brunan vizaĝdiskon, ruĝecbrunajn kronon kaj dorson, striecajn blankajn flugilplumojn kaj voston, kaj blankecajn subajn partojn kun ruĝecbruna strieco. Ĝia krio estas ripetata grumblado, kiel tiu de rano.^[1]

Kiel legi la taksonomion Manusa bubuko
Biologia klasado
Regno: Animaloj, Animalia Filumo: Ĥorduloj, Chordata Klaso: Birdoj, Aves Ordo: Strigoformaj, Strigiformes Familio: Strigedoj, Strigidae Genro: Ninox Hodgson, 1837 Specio: Manusa bubuko, N. meeki
Dunomo
Ninox meeki (Rothschild & Hartert, 1914)
Konserva statuso
Konserva statuso: Malplej zorgiga
Aliaj Vikimediaj projektoj
Sistematiko en Vikispecioj
v • d • r

Ĝi vivas ĉefe en arbaroj, sed aperas ankaŭ en arboj proksime al homoj, kaj foje okupas riverbordajn vivejojn. Ĝi estas sufiĉe ofta tra sia limigita teritorio. Ĝi estas unu el du specioj de strigoj en Manusa Insulo.