Monfarejo

Monfarejo, aŭ monpregadejo, estas fabriko, en kiu la rajtigita aŭtoritato (urbo, ŝtato ks) fabrikas la monerojn kaj la monbiletojn.^[1]

Monfarejo
instalaĵo • fabriko
Agokampo	monero
v • d • r

Historio

La monero antoniniano de Kvieto

Ekde la komenco moneroj estis fabrikataj per mongisado aŭ monpregado.

Ĉiu polis (urbo-ŝtato) en la antikva Grekio havis propran monfarejon.

En Romo la unua monfarejo estis konstruita sur la monteto Kapitolo, en la templo de Juno Moneta (tiu kiu avertas). La kromnomo estis donita al Juno, kiam en la jaro 390 a.K., ŝiaj famaj anseroj alarmis la garnizonon de Kapitolo ĝustatempe por ebligi ĝin retropuŝi la atakon de roto da Gaŭloj.

La itala nomo de monero moneta devenas de la nomo de tiu unua romia monfarejo, same kiel la nomo de mono en aliaj lingvoj.

Bildaro pri monpregado (tradicia fabrikado de moneroj)

• 
  Fandforno, kiu fandas metalon por fabriki monerojn.
• 
  Martelo uzata en monproduktado kiel montrite en la foto de la monfaristo.
• 
  Instalaĵo por produktado de moneroj kun reliefo ambaŭflanke de la monero.
• 
  Aparato por stampi la randojn de la moneroj.