NRC Handelsblad

La NRC Handelsblad (signifante "NRC - Komercgazeto") estas nederlanda nacia gazeto eldonita fare de NRC Media. Ĝi estas ĝenerale rigardata kiel gazeto de registro en la lando.

NRC Handelsblad
taggazeto
Komenco	1970 vd
Antaŭe	Nieuwe Rotterdamsche Courant • Algemeen Handelsblad vd
Lando(j)	Nederlando vd
Sidejo	Amsterdamo
Ideologio	liberalismo
Retejo	Oficiala retejo
v • d • r

Ĝi estis fondita en 1970 per la kunfandiĝo de la Algemeen Handelsblad (fondita en Amsterdamo en 1828) kaj la Nieuwe Rotterdamsche Courant (tial la mallongigo NRC, fondita en Roterdamo en 1844). ^[1][2]

En la unua trimestro de 2008, la pagita eldonkvanto de la gazeto estis 204 572 (presita) kaj 6 453 ( e-gazeto ). ^[3] René Moerland estas ĉefredaktoro ekde 2019. ^[4] La gazeto estas membro de la ĵurnalisma esplorreto Eŭropaj Enketaj Kunlaboroj (European Investigative Collaboration, EIC).

En 2022, kiam ĝi haltis produktanta vesperajn eldonojn, la gazeto mallongigis ties oficialan nomon al NRC, (ɛnɛrseː) de kiu ĝi jam estis konata familiare.

Profilo

La gazeto prezentas sin kiel seriozan (nederlande Kwaliteitskrant), simile al, ekzemple, The Times. Ĝi estas la kvara plej granda pagita gazeto en Nederlando laŭ eldonkvanto, kun eldonkvanto de ĉirkaŭ 250 000 ekzempleroj. La moto de la gazeto estas "Lux et Libertas" (latine por "Lumo kaj Libereco"), kies unua vorto rilatas al la Klerismo. La gazeto vidas sin kiel liberala kaj politike neŭtrala, defendante individuan liberecon kaj kontraŭstarante troan registaran enmiksiĝon. La ĉefa gazetspaco estas dediĉita al raportoj pri ekstera kaj enlanda politiko, ekonomiko, arto kaj literaturo, same kiel la opinioj de invititaj fakuloj. "NRK Handelsblad" havas 23 eksterlandajn korespondantojn, kio estas la plej granda nombro inter nederlandaj gazetoj. La gazeto havas tradicion de enketema ĵurnalismo.

Vendredojn, la gazeto publikigas suplementon, kiu temas pri artoj kaj kulturo en Nederlando kaj eksterlande. La suplemento estas eldonita ekde 1971 kaj estis la unua tia en Nederlando.

Ekde 1998, la revuo "M" ankaŭ aperas kiel suplemento, nuntempe ĉiumonate.