Nagasako

La urbo Nagasako^[1][2] (japane 長崎 (ながさき), Nagasaki, formale 長崎市 (ながさきし) Nagasaki-ŝi) estas historia urbo, situanta en okcidenta parto de la insulo Kjuŝuo, kaj ĉefurbo de la samnoma gubernio Nagasako.

Pli detalaj informoj troveblas en artikolo Atoma bombado de Hiroŝima kaj Nagasaki.

Nagasako
japane 長崎 (ながさき), angle Nagasaki
urbo
Fotomontaĵo Nagasako
Flago
urbo de Japanio • kerna urbo de Japanio • ĉefurbo de gubernio de Japanio • urbego • havenurbo • konferenca kaj turisma urbo
Ĝemelurboj Hiroŝimo • Saint Paul • Santos • Porto • Middelburg • Fuĝoŭo • Vaux-sur-Aure • San Isidro vd
Oficiala nomo: 長崎市 (ながさきし)
Lando	Japanio
Regiono	Kjuŝuo
Distrikto	N/A
Gubernio	Gubernio Nagasaki
Historia regiono	Epoko de Edo
Memorindaĵo	Templo Oura
Situo	Nagasako
- koordinatoj	32° 47′ 00″ N 129° 52′ 00″ O (mapo)
Areo	406,35 km² (40 635 ha)
Loĝantaro	446 007 (01a de januaro 2009)
Denseco	1 097,59 loĝ./km²
Fondo	1500
Guberniestro	Shirō Suzuki
Horzono	GMT (UTC+9)
Poŝtkodo	〒850-8685
Telefona antaŭkodo	095-825-5151
Arbo	Triadica sebifera
Floro	Hidrangeo
Nagasako (Nagasako) DEC Situa mapo de Nagasako
Situo de Nagasako enkadre de Gubernio Nagasaki Situo de Nagasako enkadre de Gubernio Nagasaki
Nagasako (Japanio) DEC Situo enkadre de Japanio
Vikimedia Komunejo: Nagasaki
Retpaĝo: www1.city.nagasaki.nagasaki.jp
v • d • r

Post Hiroŝimo, ĝi estas la 2-a kaj la lasta urbo damaĝita de atombombado en 1945.

De 1640 por ĉirkaŭ 2 jarcentoj en Epoko de Edo la urbo estis la sola haven-urbo kun permeso komerci kun fremdaj landoj, i.a. Nederlando.

Geografio

La urbo estas ĉirkaŭita de montoj je tri flankoj. Sude ĝi havas internacian havenon. La urbo havas multe da deklivoj.

Historio

• 1570: Nagasaka Haveno malfermiĝis
• 1571: Nagasako ekkomercas kun Portugalio (ĝis 1639)
• 1635: Deĝima konstruiĝis, kiel artefarita insulo en la haveno por komerci kun aliaj landoj
• 1808: Incidento de Faeton
• 1823: Philipp Franz von Siebold venis, kiel kuracisto rezidanta en la nederlanda komerco-domo
• 1889: Municipa sistemo ekfunkciis, Nagasako ekoficis

Pli detalaj informoj troveblas en artikolo Atoma bombado de Hiroŝima kaj Nagasaki.

• 9-a de aŭgusto 1945: Usona aviadilo faligis atombombon sur Nagasakon, ĉirkaŭ 70 000 homoj estis mortigataj
• Julio 1997: Nagasako estis aldifinata Kerna urbo

Vidindaĵoj

• Glovera Ĝardeno

Pacoparko de Nagasako

Sur monteto norde de la muzeo pri atombombado troviĝas Parko de Paco^[3].

Esperanto-movado

En 1902, franca instruisto Alphonse Mistler loĝanta en Nagasako aperigis artikolon pri Esperanto en loka ĵurnalo, kaj tio estas kredata kiel la unua mencio pri Esperanto en Japanio. Danke al la artikolo naskiĝis la unuaj japanaj esperantistoj kiel Kuroita Kacumi.

En 1934, la 22a Japana Esperanto-Kongreso okazis en la urbo. En 2010, la 97a Japana Esperanto-Kongreso okazis en la urbo.

Estas gastiganto de Pasporta Servo tie. Ekzistas ankaŭ mondcivitana paco-deklaro de Nagasako en Esperanto^[4].

Bildaro

• 
• 
• 
• 

Vidu ankaŭ

• Teatra sekvo de Madama Butterfly de Puccini en La papilio de Luiza Carol kies agado okazas en la ĵus bombardita Nagasako.^[5]
• Gunkanĝima, insulo
• Japanaj Martiroj
• Maksimiliano Kolbe, pola franciskano, fondinto de monaĥejo en Nagasako
• Hibakuŝo, postvivinta vikimo de atombombo
• Tramtransporto en Nagasako
• Listo de urboj de Japanio