Pavofazanoj

La sistematiko de tiu genro estas iome neklara. La specioj de Polyplectron evoluis samtempe inter komenco de Plioceno kaj meza Pleistoceno, aŭ antaŭ ĉirkaŭ 5-1 mj.^[2] La morfologie iome mutacia Polyplectron malacense kaj ties malmulte konata frata specio P. schleiermacheri formas bazajn radiadojn ĉirkaŭ la suda Sudĉina Maro kun la rimarkinda P. napoleonis, kiel konfirmis la komparo pere de biogeografio kaj DNA (Kimball et al. 2001).

La rilatoj de la aliaj formoj estas malmulte konataj. P. germaini kaj P. bicalcaratum estas similaj en morfologio kaj estas preskaŭ parapatriaj; la molekula informo sugestas, ke tiu lasta estas simpleziomorfo, sed sen granda fidindeco. Ĉiukaze la brunecaj insulaj aŭ duoninsulaj specioj chalcurum kaj inopinatum ŝajne ne devenal el ununura izolevento, kaj ŝajne akiris la mildan koloron sendepende. La tendenco en tiu genro al perdo, ne al gajno, de markata seksa dimorfismo estas pli bone subtenita de biogeografia kaj molekula informoj ol de la alterna teritorio.(Kimball et al. 2001)

En 2010 la International Ornithological Congress donis al Hajnana pavofazano aprobitan statuson de specio.^[3] Tiu specio estis historie listita kiel subspecio de P. bicalcaratum sen valida tialo. Konsideras ĝin bona specio multaj elstaraj organizoj inklude la IOC kaj la specistatuso estas nune sub revizio fare de la Oriental Bird Club.^[4] Oni konsideras de granda gravego havi la Hajnanan pavofazanon kiel agnoskita plena specio pro ties endanĝerita statuso. La loĝdenseco de la Hajnana pavofazano estas tre malalta en ties tropikaj arbaroj en la insulo kaj la natura populacio malpliiĝas; ĝi estas nune draste endanĝerita kaj estu klasita kiel la plej rara specio en la ordo de Kokoformaj en Ĉinio.

Specioj

Sistematiko

Referencoj

Wikiwand - on