Quarten

Quarten estas komunumo en la elektodistrikto Sarganslando, Kantono Sankt-Galo, Svislando. Ĝi havis 2709 loĝantojn je la 31-a de decembro 2007.

Quarten
Blazono de Quarten
Quinten de okcidento, kun rigardo al Quarten aliflanke de la lago
komunumo en Svislando • senaŭta loko
Kantono	Sankt-Galo
Distrikto	Elektodistrikto Wil
Koordinatoj	47° 6′ 0″ N 9° 14′ 0″ O (mapo)
Nombro de loĝantoj	2709
Areo	61,90 km²
Alteco	548 m super marnivelo
Poŝtkodo	8883
Komunumkodo	3295
Mapo de Quarten
v • d • r

Geografio

Bergsboden en Unterterzen (Quarten), rigardo al Valenlago

La komunumo Quarten konsistas el la vilaĝoj Oberterzen, Unterterzen, Quarten, Quinten, Mols, Murg, Tannenbodenalp kaj Flums-Grossberg, kiuj situas ambaŭ-flanke de la Valenlago.

Trafiko

Sur la teritorio de la Quarten troviĝas pluraj stacidomoj de la linio de la Svisaj Federaciaj Fervojoj de Zuriko al Koiro kaj tra Quarten ankaŭ pasas la valenlaga aŭtoŝoseo A2. La municipo Quinten atingeblas nur per ŝipo.

Historio

Quarten ekzistas kiel politika komunumo ekde la fondiĝo de la Kantono Sankt-Galo en la jaro 1803. Ĝia unua dokumenta mencio tamen jam datiĝas el la jaro 801 kiel Quarto. ^[1]

Turismo

La ĉefa enspezfonto de la komunumo Quarten estas la turismo. Al la komunumo apartenas gravaj partoj de la municipo Flumserberge, kiu estas signifa skiregiono. De Unterterzen, kien semajnfine veturas rektaj regionaj trajnoj de Zuriko, kabin-aertelefero kondukas rekte al la skiregiono Flumserberge. Somere la Valenlago kaj la Murgvalo invitas al belaj migradoj.

Monda naturheredaĵo

Sargans apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.