Sterna

Sterna estas genro de ŝternenoj en la birdofamilio de Laredoj. La genro iam enhavi plimulton de "blankaj" ŝternoj sendiskriminacie, sed komparoj pere de DNA decidis, ke tiu aranĝo estis parafiletika. Ĝi estas nun limigita al la tipaj mezgrandaj blankaj ŝternoj kun tre forkoformaj vostoj, kiuj ekzistas preskaŭ tutmonde, ĉefe en marbordaj regionoj, sed kelkaj uzas ankaŭ nesalakvajn habitatojn interne.^[1]

Kiel legi la taksonomion Ŝternoj
Sandviĉa ŝterno, Hirunda ŝterno kaj Roza ŝterno kune, Northumberland, UK
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Ĥaradrioformaj Charadriiformes Familio: Laredoj Laridae Subfamilio: Ŝternenoj Sterninae Bonaparte 1838 Genro: Ŝternoj Sterna Linnaeus, 1758
specioj
13, vidu tekston
Aliaj Vikimediaj projektoj
Sistematiko en Vikispecioj
Komunejo pri Ŝternoj
v • d • r

Taksonomio

La genron Sterna enkondukis en 1758 la sveda natursciencisto Carl Linnaeus en la deka eldono de sia verko Systema Naturae.^[2] La tipa specio estas la Hirunda ŝterno (Sterna hirundo).^[3] La vorto Sterna estas derivata el malnova angla "stearn" kiu aperas en la poemo The Seafarer (la maristo); simila vorto estis uzata por referenci ŝternojn fare de Frisoj.^[4]

Specioj

La genro enhavas 13 speciojn.^[5]

Bildo	Ordinara nomo	Scienca nomo	Distribuado
	Rivera ŝterno	Sterna aurantia	Internaj riveroj el Pakistano oriente tra la Hinda Subkontinento ĝis Birmo, Tajlando kaj Kamboĝo.
	Forstera ŝterno	Sterna forsteri	Nordameriko.
	Trudoa ŝterno aŭ ŝterno de Trudeau	Sterna trudeaui	Argentino, sudorienta Brazilo, Ĉilio, Paragvajo kaj Urugvajo.
	Arkta ŝterno	Sterna paradisaea	Arktaj kaj Subarktaj regionoj de Eŭropo, Azio kaj Nordameriko (tiom suden kiom ĝis Brittany kaj Masaĉuseco).
	Sudamerika ŝterno	Sterna hirundinacea	Suda Sudameriko, inklude Malvinojn, kun teritorio norde ĝis Peruo (Pacifika marbordo) kaj Brazilo (Atlantika marbordo).
	Antarkta ŝterno	Sterna vittata	Urugvajo, Argentino, Brazilo, Ĉilio, Malvinoj, insuloj Heard, McDonald, Aŭstralio kaj Nov-Zelando.
	Kergelena ŝterno	Sterna virgata	Kergelenoj, insuloj Prince Edward kaj Krozetoj.
	Hirunda ŝterno	Sterna hirundo	Orienta Nordameriko, Eŭropo, Nordafriko, Azio oriente ĝis Siberio kaj Kazaĥio.
	Blankvizaĝa ŝterno	Sterna repressa	Marbordoj de la Ruĝa Maro, ĉe la Korno de Afriko ĝis Kenjo, en la Persa Golfo kaj laŭlonge de la Irana marbordo ĝis Pakistano kaj okcidenta Barato.
	Nigranuka ŝterno	Sterna sumatrana	Tropikaj kaj subtropikaj areoj de Pacifika kaj Hinda Oceanoj.
	Roza ŝterno	Sterna dougallii	Atlantikaj marbordoj de Eŭropo kaj Nordameriko, kaj vintras sude ĝis Karibio kaj okcidenta Afriko; kaj subspecioj el orienta Afriko tra Hinda Oceano ĝis Japanio, kaj en Aŭstralio kaj Nov-Kaledonio.
	Blankafrunta ŝterno	Sterna striata	Nov-Zelando kaj Aŭstralio.
	Nigraventra ŝterno	Sterna acuticauda	Pakistano, Nepalo, Barato kaj Bangladeŝo, kun aparta teritorio en Birmo.

• Sterna en la Vikimedia Komunejo (Multrimedaj datumoj)
• Kategorio Sterna en la Vikimedia Komunejo (Multrimedaj datumoj)
• Sterna en Vikispecioj (Kolekto pri ĉiuj vivantaj estuloj)
• Ŝterno en ReVo