Subita inundo

Subita inundo aŭ tuja inundo estas rapida inundo okazinta sur geomorfe malaltaj areoj: sekaj riverujoj, riveroj, sekaj lagoj kaj basenoj. Ĝi povas esti kaŭzata de forta pluvo asociata kun fortaj ŝtormoj, uraganoj, aŭ neĝo-fandado el glacio aŭ neĝo fluanta super glacitavoloj de neĝokampoj. Subitaj inundoj povas okazi post la falo de natura glacia aŭ ruba digo, aŭ de homa strukturo kia homfarita akvobaraĵo, kiel okazis antaŭ la inundoj de Johnstown de 1889. Subitaj inundoj distingiĝas el normalaj inundoj pere de temposkalo de malpli ol ses horoj.^[1] La portempa disponeblo de akvo estas ofte uzata de plantoj kun rapida ĝermado kaj mallonga kreskociklo, kaj de speciala adaptita animala vivo.

Ŝoforante laŭ ŝoseo suferanta pro subita inundo.