TV5 Monde

TV5 Monde estas internacia televidkanalo kiu elsendas 24 horojn sur 24 en la franca lingvo. TV5 Monde estas la kvara plej grava tutmonda televidkanalo post MTV, CNN kaj BBC World.

TV5 Monde
televidkanalo
Ĝeneralaj informoj
Landoj	Francio
Komenciĝo de elsendoj	2-a de januaro 1984
Posedata de	France Télévisions • Kanada Elsenda Korporacio • Radio-télévision belge de la Communauté française • Svisa Radio Internacia • France Médias Monde • Instituto Nacia de Aŭdovidaĵoj • Télé-Québec • La Sept vd
Lingvo	franca lingvo vd
Nombro da sekvantoj en sociaj retejoj	1 329 687 (stato la 4-a de februaro 2023)
v • d • r

Historio

La fondintoj de TV 5 estas : TF1, Antenne 2, FR3, TSR kaj RTBF. En 1986 aliĝis la konsorcio de Kebekio (CTQC) formita de Radio-Canada kaj Télé-Québec. TF1 ĉesas kunlabori en 1987 okaze de ĝia privatigo.

Ĝi komencis elsendi la 2-an de januaro 1984. Nomita TV5 ĝis 2006 kiam al ĝia nomo oni aldonis Monde (mondo) por substreki ĝian tutmondan kampon.

Programoj

La plejparto de la programaro konsistas el novaĵoj, dokumentfilmoj, filmoj kaj programoj por ĝenerala publiko.

La plimulto de la enhavo venas de la servoj de la publikaj televidoj de franclingvaj landoj. Ili estas:

• France 2
• France 3
• France 5
• ARTE France
• RTBF (Radio Télévision Belge de la Communauté Française) de Belgio
• TSR (Télévision Suisse Romande de Svislando)
• Radio-Canada de Kanado
• Télé-Québec de Kanado
• RFO (Réseau France Outremer)
• CIRTEF (Conseil International des Radios-Télévisions d'Expression Française).

La elsendoj dividiĝas en 8 regionaj satelitaj elsendoj: Afriko, Latinameriko, Azio, Usono, Eŭropo, Francio/Belgio/Svislando, Proksima Oriento (ekde Parizo) kaj Kebekio/Kanado (ekde Montralo). La programoj estas subtekstataj en 10 lingvoj.

Eksteraj ligiloj

• Kategorio TV5 Monde en la Vikimedia Komunejo (Multrimedaj datumoj)

• Oficiala retpaĝo de TV5 Monde www.tv5.org