Istmo

Istmo,^[1] alinome terkolo, estas mallarĝa strio de tero, kiu ambaŭflanke havas maran aŭ lagan bordon kaj kunligas du pli grandajn terareojn. Ĝi estas iusence la malo de markolo, kiu estas mallarĝa akvejo inter du maroj.

La Istmo de Panamo konektas Nordan kaj Sudan Amerikon.

Istmo estas nature bona loko por konstrui kanalon. La Panama Kanalo, kiu ligas Atlantikon al Pacifiko trans la Istmo de Panamo, tre mallongigas vojaĝon inter la orientaj kaj okcidentaj bordoj de Amerikoj.