Volumo

Volumo laŭ PIV estas aro da kelkaj manskribitaj aŭ presitaj kajeroj, kune binditaj aŭ broŝuritaj.^[1]

15a eldono de Britannica. La komenca volumo kun verda etikedo estas Propædia; la ruĝe aŭ nigre markitaj estas Micropædia kaj Macropædia, respektive. La lastaj tri volumoj estas la 2002 Book of the Year (nigra etikedo) kaj la du-voluma indekso (cejana etikedo).

Francisko Azorín por volumo registras la saman difinon sed ankaŭ aldonas unuarange la jenan: Longa peco (ĝis 40 m.) papira aŭ pergamena volvita ĉirkaŭ ligna cilindreto.^[2] Li indikas etimologion el la latina volvere (turni).^[3]

Ne konfuzu kun

• Volumeno, kiu estas geometria koncepto.
• Libro aŭ verko, kiu povas havi kelkajn, eĉ multajn, volumojn, ekzemple la Brita Enciklopedio enhavas multajn volumojn; inverse ofte oni eldonas du mallongajn verkojn en sama volumo, plej ofte el la samaaŭtoro, sed ne nur.