Bosgarren Etorbidea
From Wikipedia, the free encyclopedia
Bosgarren Etorbidea (ingelesez Fifth Avenue) AEBetako New York estatuko hiririk garrantzitsuena den New Yorkeko Manhattan barrutiko etorbiderik nagusienetako bat da. Luxuzko apartamentuz eta jauregi historikoz betea, Bosgarren Etorbidea New Yorken oparotasun ekonomikoaren ikur bat da. 34. kalea eta 59. kalearen arteko etorbidearen sekzioa munduko erosketa gunerik esklusiboenetako bat da Londresko Oxford Street, Parisko Champs Élysées eta Milango Via Montenapoleonerekin batera.
| Bosgarren Etorbidea | |
|---|---|
 | |
| Geografia | |
| Luzera | 10 km |
| Lurraldea | Manhattan |
 | |
| Ezaugarriak | |
| Loturak | 10th Street (en)  57th Street (en) 59. kalea (Manhattan) 79th Street (en) 125th Street (en) 48th Street (en) 34th Street (en) 42nd Street (en) 14th Street (en) 23rd Street (en) Astor Row (en) |
| Historia | |
| Irekiera | 1811ko martxoa |
Etengabe munduko kalerik garestiena bezala jo da, alokairuen prezioa Paris, Londres edo Tokiokoen antzekoa delarik: "munduko kalerik garestiena" izena urtez urte aldatzen da txanponen fluktuazioaren eta tokiko baldintza ekonomikoen arabera. Zenbait urtetan 1990eko hamarkadaren erdialdetik 49. kalea eta 57. kalearen artean dagoen erosketa barrutia salmenta azalera metro karratu bakoitzeko bigarren preziorik garestiena bezala katalogatu da Londresko Sloane Streeten ondoren.
Bosgarren Etorbidea Washington Square Parken abiatzen da, Greenwich Villagen, eta iparralderantz doa Midtownen erdialdetik, Central Parken ekialdearekiko paraleloan eta Upper East Side eta Harlemen zehar, non Harlem ibaian amaitzen den, 142. kalean. Trafikoak ibaia Madison Etorbideko Zubian zeharkatzen du.
Bosgarren Etorbideak Manhattango kaleen banalerro funtzioa egiten du, adibidez, E59 kalea W59 kaletik banatzen du. Bosgarren Etorbideak, gainera, elkarzut dituen kaleetako eraikinen zenbakiak jartzeko erreferentzia bezala funtzionatzen du, zenbakia handitu egiten da kaletik urrundu ahala. Adibidez, 1 E 59 st. Bosgarren Etorbidearekin izkina egiten dago, eta 300 E 59 st. Bosgarren Etorbidetik 3 bloke ekialdera dago.
Datuak: Q109858
Multimedia: 5th Avenue (Manhattan) / Q109858
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
