Chūō-ku (Tokio)

Chūō (japonieraz: 中央区, Chūō-ku^?) Tokio hiriko 23 auzo berezi bat da. Chūō izenak erdigunea esan nahi du, izan ere Tokioren erdigunea osatzen duen auzoa da. 2012ko erroldaren arabera 122.118 biztanle ditu 10,15 kilometro koadrotan. Chūō auzoan dago Ginza barruti ospetsua.

Chūō 中央区
special ward of Japan (en)
Irudi gehiago
Administrazioa
Estatu burujabe	Japonia
Metropolitan prefecture	Tokio
Alkatea	Taito Yamamoto (en)
Jatorrizko izena	中央区
Geografia
Koordenatuak	35°40′14″N 139°46′19″E
Azalera	10,15 km²
Mugakideak	Chiyoda, Minato, Taitō, Sumida-ku eta Kōtō
Demografia
Biztanleria	169.179 (2020ko urriaren 1a) 0 (2020)
Dentsitatea	12.031 bizt/km²
Informazio gehigarria
Sorrera	1947ko maiatzaren 3a eta 1947ko martxoaren 15a
Ordu eremua	UTC+09:00
Hiri senidetuak	Higashine (en)
http://www.city.chuo.lg.jp/foreign/english/index.html www.city.chuo.lg.jp

Geografia

Tokioko Geltoki nagusiaren ekialdera kokaturik dago eta administratiboki hiru eremutan bereizita dago auzoa, Nihonbashi, Kyobashi eta Tsukishima. Lehenengo biak eremu komertzialak dira eta hirugarrena Tokioko Badian dagoen uharte artifiziala da.

Historia

Tokugawa Ieyasu shogunak Edo Japoniako hiri garrantzitsuena egiteko asmotan eremu komertziala sortzea erabaki zuen Tokio eta Kansai eskualdea elkartzen zituen errepidean. Edo Aroan Edomachi izena hartu zuen, "Edo-ren erdigunea". Gaur egungo Ginza eta Tsukiji barrutiak dauden lekuan ordea Sumida ibaiaren delta baino ez zegoen. 1657an suak auzoaren zati handiena erre zuen eta berreraiki beharra izan zen.

Atzerritarrek asentamentua sortu zuten Tsukiji barrutia dagoen lurretan 1869 eta 1899 artean. 1872an alboan dagoen Ginza barrutia beste sute batek suntsitu eta Europar estiloko planifikazio modernoa egiteko aprobetxatu zen Tren geltoki nagusia eta negozio eta finantza auzoa elkartzen zituen barruti honetan. Thomas Waters arkitekto ingelesak izan zuen proiektu honen ardura.

1892an Tsukishima uhartea eraiki zen Tokioko Badian. Izenak berak "eraikitako uhartea" esan nahi du.

1923ko lurrikarak Nihonbashiko arrain merkatua erabat suntsitu zuen eta berriztu beharrean Tsukiji barrutian berria egitea erabaki zuten, gaur egungo Tsukiji Arrain Merkatua hain zuzen ere.

1947ko martxoaren 15ean Chūō auzo berezia eratu zen.

Ondasun nabarmenak

• Nihonbashi: Negozio eta finantza zentroa da.
  • Tokioko Burtsa
  • Japoniako Bankua
  • Nihonbashi Mitsui Dorrea
  • Japoniako Zero kilometroa.
• Kyobashi: Merkatal eremua.
  • Ginza barrutia.
    • Sony-ren erakusteta eraikina.
    • Merkatalguneak: Wako, Mikimoto, Matsuya, Primptemps...
    • Yon-chome bidegurutzea.
    • Kabuki-za antzokia.
  • Tsukiji barrutia.
    • Tsukiji Arrain Merkatua
    • Tsukiji Hongan-ji tenplo budista.
• Tsukishima uhartea.
  • Monjayaki jatetxeak.

Iruditegia

• 
  Tokioko Burtsa.
• 
  Ginza barrutia gauez.
• 
  Wakō merkatalgunea (Ginza).
• 
  Kabuki-za antzokia.
• 
  Tsukiji Arrain Merkatua
• 
  Tsukiji Hongan-ji tenplo budista.
• 
  Monja kalea, Tsukishima uhartean

Kanpo estekak

• (Japonieraz)(Ingelesez) Taitō auzoko webgune ofiziala

• Datuak: Q212704
• Multimedia: Chuo, Tokyo / Q212704

	Tokio prefektura

Auzo bereziak : Adachi | Arakawa | Bunkyō | Chiyoda | Chūō | Edogawa | Itabashi | Katsushika | Kita | Kōtō | Meguro | Minato | Nakano | Nerima | Ōta | Setagaya | Shibuya | Shinagawa | Shinjuku | Suginami | Sumida | Taitō | Toshima

Hiriak : Akiruno | Akishima | Chōfu | Fuchū | Fussa | Hachiōji | Hamura | Higashikurume | Higashimurayama | Higashiyamato | Hino | Inagi | Kiyose | Kodaira | Koganei | Kokubunji | Komae | Kunitachi | Machida | Mitaka | Musashimurayama | Musashino | Nishitōkyō | Oume | Tachikawa | Tama

Suprefeturak : Nishitama | Hachijō | Miyake | Ogasawara | Ōshima