![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fb/Eye_in_cross-section.svg/langeu-640px-Eye_in_cross-section.svg.png&w=640&q=50)
Ikusmenaren fisiologia
From Wikipedia, the free encyclopedia
Ikusmenaren fisiologia ikusmena ahalbidetzen duen prozesu fisiologikoen azterketan datza.
![Thumb image](http://upload.wikimedia.org/wikipedia/commons/thumb/f/fb/Eye_in_cross-section.svg/640px-Eye_in_cross-section.svg.png)
Funtsean, giza begiak argiaren erradiazio elektromagnetiko nerbio-bulkada bihurtzen du, ikusmen-nerbioaren bidez burmuineko lobulu okzipitalera iristean garunak irudi gisa interpretatzen duena.
Ikusten duguna inguratzen gaituen errealitatearen zati txiki bat besterik ez da, gure espektro ikusgarriarena (400-700 nanometroko tartean dauden uhin-luzerak). Espektro horretatik kanpo geratzen diren uhin-luzerek ez dituzte gure begiko pigmentu fotohartzaileak kitzikatzen eta, beraz, ikusezinak dira guretzat.
Beste animalia batzuek guk baino gehiago ikusten dute: hegazti eta intsektu ugarik argi ultramorea ikusten dute [1], eta agian baita katuek eta zakurrek ere [2]. Era berean, primate guztiek guk atzematen ditugun koloreak ere atzematen dituzte, baina animalia gehienek kolore gutxi batzuk besterik ez dituzte ikusten, edo zuri-beltzean (azken hauek ez dituzte guk ditugun konoak, koloreak atzemateko) [3]