Jacquemart-André museoa

Jacquemart-André museoa (frantsesez: Musée Jacquemart-André) Parisen dagoen arte-museoa da. Publikoa da nahiz eta bildumaren jatorria pribatua izan. Parisko 8. barrutian dago, Haussmann bulebarrean, 158 zenbakian. Jauregiak jatorrizko dekorazioari eusten dio.^[1] Eraikina ekitaldi sozialetarako eskaintzen da, eta kafetegia «Parisko ederrena» omen da.^[2] Museo honetako bildumak Frantziako garrantzitsuenen artean daude.

Jacquemart-André museoa
Irudi gehiago
Kokapena
Udalerrien arteko lankidetzarako erakunde publikoa	Paris Handiko metropolia
Territorial collectivity of France with special status	Paris
Udalerri barrutia	Parisko 8. barrutia
Koordenatuak	48°52′32″N 2°18′38″E
Historia eta erabilera
Irekiera	1913
Kudeatzailea	Frantziako Institutua Culturespaces
Kontaktua
Telefonoa	tel:[phone]
Webgune ofiziala

Historia

Museoa, Édouard André (1833-1894) militar eta bankarien semeak eta bere emazte Nélie Jacquemartek (1841-1912) sortu zuten, euren bizitzan zehar bildu zuten arte bilduma pribatua erakusteko helburuarekin. Henri Parent arkitektoak 1869 eta 1875 urteen artean eraikitako etxea eta bere bilduma Frantziako Institutuari eman zizkioten; erakunde horrek 1913an museoa publikoari ireki zion. Eraikinak Bigarren Inperioaren estiloa erakusten du.^[3]

Bildumak

Italiako eskulturak eta margolanak

Asko dira museoan Italiako Pizkundearen artisten lanak: Paolo Uccello, Donatello, Sandro Botticelli, Andrea Mantegna, Francesco Botticini, Luca Signorelli, Giovanni Bellini, Vittore Carpaccio, Cima da Conegliano, Carlo Crivelli, Francesco Laurana, Pietro Perugino, Gian Lorenzo Bernini, Canaletto y Giovanni Battista Tiepolo.

Frantziako margolanak

Egile hauenak ikus daitezke: Jean-Honoré Fragonard, Jean-Marc Nattier, Jean-Baptiste Pater, François Boucher, Vigée-Lebrun, Maurice Quentin de La Tour, Chardin, Jean-Baptiste Greuze, Hubert Robert eta Jacques-Louis David.

Beste herrialdetakoak

Museoan Herbeheretako egileenak, flamenkoak eta britainiarrak ikus daitezke: Quentin Metsys, Rembrandt, Antoon van Dyck Frans Hals, Jacob van Ruisdael, Thomas Lawrence, Joshua Reynolds eta Thomas Gainsborough.

Iruditegia

• 
  Sarrera.
• 
  Saloi obala.
• 
  Gela arrosa.
• 
  Eskailera.
• 
  Jangela.

Erreferentziak

1. https://www.parisontheway.es/visitas-museos-franceses/museo-jacquemart-andre.html
2. https://www.musee-jacquemart-andre.com/en/prepare-your-visit/cafe-jacquemart-andre
3. https://parisjetaime.com/spa/cultura/musee-jacquemart-andre-p3481

Kanpo estekak

• (Frantsesez):Museoaren webgune ofiziala.

• Datuak: Q1165526
• Multimedia: Musée Jacquemart-André / Q1165526