Karl Münchinger

Karl Münchinger (Stuttgart, 1915eko maiatzaren 29a – 1990eko martxoaren 13a) alemaniar orkestra-zuzendaria izan zen. Jaioterriko musika-eskolan egin zituen ikasketak, eta orkestra-zuzendaritza landu zuen Carl Leonhardtekin. Konposizioa ere ikasi zuen. Stuttgarteko organista eta abesbatzako zuzendari izan zen 1937-1941 urteen artean.

Karl Münchinger
(1968) Irudi gehiago
Bizitza
Jaiotza	Stuttgart, 1915eko maiatzaren 29a
Herrialdea	Alemania
Heriotza	Stuttgart, 1990eko martxoaren 13a (74 urte)
Hezkuntza
Heziketa	Dillmann-Gymnasium Stuttgart (en) Karls-Gymnasium Stuttgart (en) State University of Music and Performing Arts Stuttgart (en)
Hizkuntzak	alemana
Jarduerak
Jarduerak	orkestra zuzendaria eta musikagilea
Jasotako sariak	ikusi Order of Merit of Baden-Württemberg  (1975) Alemaniako Errepublika Federalaren Merituaren Izar eta Gerrikodun Merituaren Gurutze Handia  (1985) Commander's Cross of the Order of Merit of the Federal Republic of Germany  (1955) Knight Commander's Cross of the Order of Merit of the Federal Republic of Germany  (1970) [[]]  (1975)
Musika instrumentua	organoa

Gerra amaitu zenean Stuttgarteko Ganbera Orkestra sortu zuen, eta lehenengo kontzertua 1945ean eman zuen; Bachen eredua eta barrokoko musikagileena hartu zuen. Parisen, 1949an aurkeztu zen lehenengo aldiz eta arrakasta izugarria lortu zuen. 1951n, Brandeburgoko kontzertuak grabatu zituen eta ospetsu egin zuten mundu osoan. Bira ugari egin zituen Europan barrena. 1957. urteaz geroztik, errepertorioa musikagile klasikoetara zabaldu zuen (Haydn eta Mozart). 1966an orkestra berri bat sortu zuen, Stuttgarteko Orkestra Filarmoniko Klasikoa; berrogeita bost lagunek osatzen zuten taldea, eta XVIII. mendearen bukaerako eta XIX. mendearen hasierako musika landu zuen batez ere. Bestalde, munduko orkestra handienek gonbidatu zuten (Vienako Orkestra Filarmonikoa, Parisko Orkestra, Suitzako Orkestra). 1979an Colmarreko jaialdia sortu zuen. 1987an, itsutasunak jota, Stuttgarteko Ganbera Orkestraren zuzendaritza utzi zuen bost mila kontzertutik gora eman ondoren.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q65295
• Multimedia: Karl Münchinger / Q65295