Konotopeko gudua
From Wikipedia, the free encyclopedia
From Wikipedia, the free encyclopedia
Konotopeko gudua Errusiako eta Ukrainako indar militarren artean Konotop hiriaren inguruan, Ukrainan, izandako borroka militar bat izan zen, Ukraina ekialdeko erasoaldiaren esparruan, Errusiak 2022an Ukraina inbaditu zuenean.
Konotopeko gudua | |||
---|---|---|---|
Ukrainako inbasioa (2022) | |||
Errusiako indarrek Konotop setiatu zuten, bereganatu aurretik, guduaren lehen fasean, 2022ko otsailaren 24ean. | |||
Data | 2022ko otsailak 24 – otsailak 25 | ||
Lekua | Konotop, Sumy Oblasta (Ukraina) | ||
Koordenatuak | 51°14′13″N 33°12′10″E | ||
Egoera | Errusiak irabazi
| ||
Gudulariak | |||
| |||
Buruzagiak | |||
| |||
Indarra | |||
| |||
Galerak | |||
| |||
Ukrainaren arabera: 3 zibil zauritu[6] |
Otsailaren 24ko goizaldeko 3:35etan (UTC+2), ipar-ekialdetik aurrera zihoazen indar errusiarrek, 300 ibilgailu inguruk osatutako konboi batetan,[5] Konotop hiria inguratu eta setio-egoeran jarri zuten,[7][8] Ukrainako indarrek beren posizioak erasotik defendatu bazituzten ere.
Otsailaren 25eko goizean, hirian talde errusiarren ekipamendua erre zutela jakinarazi zen. Halaber, Ukrainako Armadak baieztatu zuen hiria setiatzen zuten errusiar indarrak gaizki hornituta zeudela eta, ondorioz, erretiratu egin zirela.[9][10] Hala ere, Ukrainako Armadaren arabera, Gobernuaren-aldeko indarrek hiriaren kontrola galdu zuten otsailaren 25ean bertan.[1][11]
Martxoaren 2an, Artem Seminikhin-ek, Konotopeko alkateak, adierazi zuen Errusiako indarrek ohartarazi ziotela hiria bonbardatuko zutela bertakoek aurre egiten bazioten.[4] Hala ere, bideo baten arabera, Seminikhinek hiriko biztanleei galdetu zien ea borroka egin edo amore eman nahi zuten, eta, horren ostean, egoiliarrek uko egin zioten, "erabateko modu batetan", amore emateari.[12][13]
Halere, geroago, hiriko agintariak indar errusiarrekin negoziatzen hasi ziren, 12 minutu iraun zuen elkarrizketa batetan. Akordio bat lortu zen, non indar errusiarrek onartzen zuten hiriko gobernua ez aldatzea, tropak hirian ez hedatzea, garraioa ez oztopatzea eta bandera ukrainarra ez kentzea; trukean, hiri-agintariek adostu zuten egoiliarrek ez zietela eraso egingo indar errusiarrei.[14]
Apirilaren 3an, Oleksandr Katxura diputatu ukrainarrak Twitterren adierazi zuen indar errusiar guztiek Konotop Raion osoa utzi zutela.[2] Hurrengo egunean, apirilaren 4an, Sumy Oblasteko Gobernadoreak, Dmytro Zhyvytsky-k, adierazi zuen tropa errusiarrek ez zutela jada Sumy Oblasteko hiririk edo herririk okupatzen, eta soldadu gehienak erretiratu egin zirela, tropa ukrainarrak gainerako unitateak kanporatzeko lanean ari ziren bitartean.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.