Laida
Koordenatuak: 43° 23′ 57″ N, 2° 41′ 13″ W / 43.39917°N,2.68694°W
| Laida | ||||||
|---|---|---|---|---|---|---|
| ||||||
| Ezaugarri orokorrak: | ||||||
| - Kokalekua | Ibarrangelu | |||||
| - Luzera | ||||||
| - Batez besteko zabalera | ||||||
| - Betetasun maila | ||||||
| - Urbanizatze maila | ||||||
| - Pasealekua | Bai | |||||
| Hondartza mota: | ||||||
| - Hondar mota | Fina | |||||
| Kirolak: | ||||||
| - Surfa egiteko | ||||||
| Segurtasuna: | ||||||
| - Hondartzaina | Bai | |||||
| - Udaltzaingoa | Bai | |||||
| - Sorosle taldea | Bai | |||||
| Sarbideak: | ||||||
| - Elbarrientzat | Bai | |||||
| - Sarbide mota | ||||||
| - Sarbide seinaleztatua | Bai | |||||
| Bestelako informazioa: | ||||||
| - Taberna kopurua | ||||||
| - Herrigunerako distantzia | ||||||
Laida Bizkaiko hondartza da, Ibarrangeluko udalerrian kokatua.
Ezaugarriak
Ibarrangelura doan BI-3234 errepidearen parean dago. Mundakako itsasadarraren eskuinaldean, bokalaren ondoan. Dunek osaturiko hondartza, bi gune desberdintzen dira, barrualdeko gunean, olatuak txikiak dira, eta itsasadar barneko korronteak dira nagusi, eta kanpoaldeko gunean olatuak dira nagusi. Guztira 812 metroko zabalera dauka. Itsasbehera denean, 59.190 m2-ko azalera dauka eta 38.189 m2-ko azalera itsasgora denean. Itsasbehera denean, Euskal Herriko hondartzarik zabalenetakoa da.
Arriskugarritasun ertaina dauka, arriskugarritasun hori nabarmena da itsasgora izaten denean, izan ere, marea oso azkar jaisten da baina baita oso arin igo ere. Uraren kalitatea ona da, azken urteetan osasunbidearen alorrean eginiko obrek itsasadarraren uren egoera hobetu dute. Uraren egoera betiere hobea da itsasoko gunean, itsasadar barruko gunean baino. Hondartzara joaten den batez besteko jende kopurua handia da. Gernikako herrira doan Bizkaibus zerbitzua dago ekainetik irailera, ordu erdiro ateratzen dira autobusak Gernikako geltokitik Ibarrangelu edo Elantxobe helmuga dutela, Laida eta Lagako hondartzak zeharkatuz.
Hondartzaren azalera asko handitu da azken hamarkadan. Muruetako ontzioletan eginiko itsasontziak itsasoratzeko itsasadarrari egiten zaizkion dragaketek hare asko pilatu dute Laidan.
Jakingarriak
Mundaka eta Toñako hondartza batzen dituen ferry zerbitzua dago udan. Zerbitzu hau, eguraldi ona dagoen egunetan bakarrik egoten da eskuragarri. Barkua hondartzaren hego-mendebaldeko gunean hartzen da, dena dela, mareen araberakoa izaten da. Horrez gain, kanoen alokairua posiblea da, itsasadarretik barrena ibili eta Urdaibaiko pasaiaz gozatu ahal izateko.
1940ko hamarkadan, ekaitz handi batek hondartzak zituen duna naturalak desegin egin zituen. 2000. urtetik aurrera, Bizkaiko Foru Aldundiak, eta Europar erakundeek lagunduriko proiektu baten bitartez, dunak berreskuratzen joan da, gaur egungo egoerara ailegatuz. Proiektu honek kritika ugari jasan ditu, izan ere, dunen berreskuratzearekin batera, eta hondartzaren zabalera handitu den heinean, Mundakako ezker olatu famatuari eragin zitzaion. Dena den, natura pixkanaka bere onera etorri da eta gaur egun ezker olatua erabat berreskuratu dela esan liteke.
Hondartzaren ondoan kanpin bat dago Arketako Kanpinga, Ibarrangelu eta Gautegiz-Arteaga udalerrien mugan kokatua. Kanpina eta hondartza batzen dituen paseo bat eraiki berri da orain dela urte gutxi.
Dunetako landaredia
|
|
Ikus, gainera
Kanpo estekak
 |
Euskarazko Wikipedian bada atari bat, gai hau duena: Euskal Wikiatlasa |
| Autoritate kontrola |
|
|---|
Datuak: Q9020057
| Bizkaiko hondartzak | ||
|---|---|---|
|
Antzoras • Areeta • Aritzatxu • Armintzakale • Arriboleta • Arrietara • Arrigorri • Arrigunaga • Astondo • Atxabiribil • Azkorri • Bakio • Barinatxe • Ea • Ereaga • Gorliz • Isuntza • Kanala • Kanalape • Karraspio • La Arena • Laga • Laida • Laidatxu • Lapatza • Meñakoz • Muriola • Ogella • Ondartzape • Plentzia • San Antonio • Toña | ||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
