Nymphenburg jauregia

Nymphenburg jauregia (alemanez Schloss Nymphenburg) Munichen dagoen jauregi barrokoa da. Bavariako agintarien udako jauregia izan zen. 800.000 m²-ko azalera duen parkea dauka.

Nymphenburg jauregia
Schloss Nymphenburg
Irudi gehiago
Kokapena
Estatu burujabe	Alemania
Alemaniako estatua	Bavaria
Gobernu-eskualde	Bavaria Garaia
Unibertsitate-hiri	Munich
Borough of Munich	Neuhausen-Nymphenburg
Koordenatuak	48°09′29″N 11°30′13″E
Historia eta erabilera
Irekiera	1664
Jabea	Bavarian Administration of State-Owned Palaces, Gardens and Lakes (en) Ferdinand Maria, Elector of Bavaria (en)
Kudeatzailea	Bavarian Administration of State-Owned Palaces, Gardens and Lakes
Komisarioa	Ferdinand Maria, Elector of Bavaria (en)
Izenaren jatorria	Ninfa
Erabiltzailea	Museum of Man and Nature (en)
Arkitektura
Arkitektoa	Agostino Barelli (en) Lorenzo Perti (en)
Materiala(k)	Q1311783
Estiloa	arkitektura barrokoa Barrokoa
Ondarea
Kontaktua
Helbidea	Schloß Nymphenburg 1, 80638 München
Webgune ofiziala

Historia

Fernando Maria Bavariako Hautesleak eta Enriketa Adelaida Saboyakoaren aginduz eraiki zen 1675ean, beren seme Maximiliano Manuel II.a Bavariakoaren jaiotza zela eta. Semeak berak handitu zuen 1701ean bi pabiloi gehituz, bata iparraldean eta bestea hegoaldean.

Parkeak diseinu italiarra izan zuen hasieran, baina ondoren estilo frantsesa eta azkenik ingelesa nagusitu zitzaizkion. Kanal batek bitan banatzen du parkea eta alde bakoitzean laku bana dago. Hainbat pabiloi eraiki ziren parkean:

• Pagodenburg (1716-1719): Pabiloi oktogonala da, beheko solairua Delfteko baldosas dekoratua eta goiko solairua Chinoiserie estilora Joseph Effnerrek diseinatua.
• Badenburg (1719-1721): Oturuntza handiak egiteko pabiloi barrokoa da, hau ere Joseph Effnerrek diseinatua.
• Magdalenenklause (1725-1728): Hausnarketarako sorturiko hondar faltsuak dira.
• Amalienburg (1734-1739): Karlos VII.a Bavariakoarentzako ehizarako aterpea da. Ispiluen gela berezia dauka. Europako rokokoaren maisulan kontsideratua dago.
• Monopteros (1862-1865): Leo von Klenzen tenplu neoklasikoa.

Jauregiaren panoramika.

Jauregia

Jauregia, bere parkearekin batera, gaur egun Municheko lekurik ospetsuenetako bat da. Steinerner Saal (Harrizko Aretoa), Johann Baptist Zimmermannen zeruan freskoak eta François de Cuvilliesen apaingarriak dituena, leku ikaragarria da. Jauregiaren erdiko pabilioiaren hiru solairu baino gehiago hartzen ditu.

Gela batzuek, oraindik, euren jatorrizko apaindura barrokoa erakusten dute, beste batzuk, beranduago, rokoko edo neoklasiko estiloan berrapainduak izan ziren bitartean. Hegoaldeko pabiloiko jantoki zaharrak Luis I.a erregearen Edertasunen Galeria hartzen du gaur egun.

Errege zalditegiek ekitaldi historiko garrantzitsuetan erabili zen gurdi museo garrantzitsuenetako bat dute. Museoaren erakarpen handienen artean, Luis II.a erregearen gurdi eta lera bikainak nabarmentzen dira. Lehen solairuan, Nymphenburgeko portzelana bilduma bat dago.

Kanpo estekak

• (Ingelesez) Webgune ofiziala

• Datuak: Q131631
• Multimedia: Nymphenburg Palace / Q131631