Peñotako geltokia
Wikimediako argipen orri From Wikipedia, the free encyclopedia
Peñota Bilboko metroaren 2. lineari dagokion lurpeko geltokia da, Portugalete udalerrian kokatuta dagoena eta Santurtzi udalerriko Peñota auzoari zerbitzu ematen diona. Geltokia Santurtziko geltokiarekin batera ireki zen 2009ko uztailaren 4an, eta Bizkaiko Garraio Partzuergoaren 2. tarifa-gunean dago. San Juan de Dios ospitaleari ematen dio zerbitzu.
| Peñota | ||||||||
|---|---|---|---|---|---|---|---|---|
 | ||||||||
| Lineak | ||||||||
| ||||||||
| Kokapena | ||||||||
| Helbidea | San Juan Bautista kalea, 5; 48920 | |||||||
| Udalerria | Portugalete,  Bizkaia | |||||||
| Geltokiaren datuak | ||||||||
| Kodea | PEN | |||||||
| Gunea | 2. gunea | |||||||
| Irekiera | 2009ko uztailaren 4a | |||||||
| Bidaiariak | 1.337.564 (2017)[1] | |||||||
| Irisgarria |  | |||||||
| Zerbitzuak |     | |||||||
| Aldageltokia |   | |||||||
| Nasak | 2 | |||||||
| Trenbideak | 2 | |||||||
| Jabea | Euskal Trenbide Sarea Bizkaiko Garraio Partzuergoa | |||||||
| Eragilea | Metro Bilbao | |||||||
| Garraio zerbitzuak | ||||||||
| Metroa | L2Basauri - Kabiezes | |||||||
| Bizkaibus | A3129 Lutxana - Gurutzeta - Santurtzi | |||||||
Geltokiak bi sarbide eta igogailu bat ditu, guztiak Portugalete udalerrian.
Peñota etorbidea, 6 (merkatal galeria) (San Juan de Dios irteera)
Simón Bolívar etorbidea, 28 (Simón Bolívar irteera)
San Joan Bataialaria kalea, 10 (San Juan Bautista irteera)
Gaueko sarbideak
- Peñota etorbidea, 6 (merkatal galeria) (San Juan de Dios irteera)
- San Joan Bataialaria kalea, 10 (San Juan Bautista irteera)
Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.
Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean ez da fosterito izenpetutako bidaiaria jasotzeko beirazko sarrerarik erabili. Horien ordez, Simón Bolívar sarbideko kanoia agerian utzi da sarbidea maldan dagoelako, San Juan Bautista sarbidea altzairu herdoilgaitz eta beirazko igogailua da, eta San Juan de Dios sarbideko kanoia harrizko elementu bilakatzen da, sarbidea eraikin bati atxikita dagoelako. Azken honek merkatal galeria bat jasotzen du, nahiz eta galerian dendarik ireki ez den. Hala, Peñota merkatal gunea duen 2. lineako geltoki bakarra da.
Geltokia igogailu, txarteldegi, balioztatze makina eta 2017tik desfibrilagailuz ere hornituta dago.[2]
Geltokiaren kanpoaldean Bizkaibus zerbitzua hornitzen duten bi autobus geraleku daude. Hurrengo lineak geralekuetatik pasatzen dira:
|
|
Bizkaiko Garraio Partzuergoak urtero argitaratzen dituen bidaiarien datuen arabera, geltokiak hurrengo bidaiari kopuruak zenbatzen ditu:[3]
 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
