Rincón de Soto
From Wikipedia, the free encyclopedia
Rincón de Soto Errioxako udalerria da, 2020an 3.886 biztanle zituena. Errioxa Beherea eskualdean kokaturik dago eta udare ekoizpen handia du, sor-marka eta guzti[1].
| Rincón de Soto | |||||||||||
|---|---|---|---|---|---|---|---|---|---|---|---|
municipality of La Rioja (en)  | |||||||||||
 | |||||||||||
| |||||||||||
| Administrazioa | |||||||||||
| Estatu burujabe |  Espainia | ||||||||||
| Autonomia |  Errioxa | ||||||||||
| Hirugarren mailako herrialde azpibanaketa | Errioxa Beherea | ||||||||||
| Errioxako eskualdeak | Alfaroko eskualdea | ||||||||||
| Alkatea | Carlos Paul Lapedriza (en) | ||||||||||
| Izen ofiziala | Rincón de Soto | ||||||||||
| Posta kodea | 26550 | ||||||||||
| INEk ezarritako kodea | 26125 | ||||||||||
| Herriburua | Rincón de Soto | ||||||||||
| Geografia | |||||||||||
| Koordenatuak | 42°14′04″N 1°51′03″W | ||||||||||
 | |||||||||||
_-_Municipality_Map.svg) | |||||||||||
| Azalera | 20 km² | ||||||||||
| Altuera | 261 m | ||||||||||
| Mugakideak | Alfaro | ||||||||||
| Demografia | |||||||||||
| Biztanleria | 4.021 (2023) 79 (2022) | ||||||||||
| |||||||||||
| Dentsitatea | 201 bizt/km² | ||||||||||
| Informazio gehigarria | |||||||||||
| Ordu eremua | UTC+01:00 | ||||||||||
| Matrikula | LO | ||||||||||
| rincondesoto.org | |||||||||||
Ebro ibaiaren haranean kokaturik dago, hegoaldeko ertzean, Calahorra eta Alfaro artean. Lautada batean hedatzen da higaturik dauden altuera txikiko muinotxoen artean. 258 metrotako altueran dago[2].
Klima mediterraneo kontinentala du, uda beroekin, sarritan denboran luzatzen diren lehorteak ere izaten dira.
Campanas muinoan egindako indusketetan Brontze Aro goiztiarreko hilobi bat aurkitu da.
Erdi Aroko hainbat agiritan aipatzen da Rincón de Soto herria. 1140. urtean Alfontso VII.a Gaztelakoak eta Gartzia V.a Ramiritz Nafarroakoak bake ituna sinatu zuten eta Rincon de Soton erabaki zuten Nienzabas herrixka Fiteroko monasterioari ematea[3]. Urte berean Calahorrako kontzejuak Rincón de Sotoko landa eremu bat eman zion García Zapata jaunari. 1383ko urriaren 29an On Juan Ramírez de Arellanoren testamentuan ere aipatzen da herria.
1596an urtegi bat egiteko 1.200 dukat jaso zituen. Garai hartan Calahorraren menpeko herrixka bat zen eta 200 auzotar (1000 arima) zeuden bertan enpadronatuta. 1670. urtean lortu zuen Calahorratik banatzea, Karlos II.a Espainiakoak emandako pribilejioari esker[3]. 1753ko erroldan 197 biztanle zituen, haietatik 28 alargunak. 1840ko erroldan 1176 biztanle zituen.
Jarduera ekonomiko nagusia nekazaritza da eta Estatu mailan famatu egin duen produktua udarea da (Pyrus Communis L.). Blanquilla eta Conferencia barietateetatik dator Rincón de Sotoko udarea eta bere sor-marka du[1]. Inguruko udareekin alderatuta Rincón de Sotokoa handia da tamainaz, luzeagoa, gozoagoa, gogor samarra eta azal berdeagoa du.
Izena Rincón de Sotok ematen dio baina eskualdeko herrietan ere ekoizten da, Aldeanueva de Ebron, Alfaron eta Calahorran hain zuzen ere.
Adreiluak eta teilak ere egiten dira herrian[2].
Jaialdi ezagunenak Carraviesoko Amabirjinaren omenezkoak dira, abuztuaren lehen astean ospatzen direnak. Goizero entzierroa izaten da herrian. San Migel eguna ere ospatzen da irailaren 29an[4].
Zezenketak ere indar handia du herrian eta "Toro de San Miguel" jaialdira 8.000 pertsona etortzen dira urtero[5].
Trapezio itxurako alde zaharra du eta kale zaharrenak Pozo, Trinitarios, Iglesia eta Primicias dira, denak ere San Migel Goiaingeruaren elizaren inguruan daudenak.
Herriko kirol taldea Club Atlético River Ebro da. Jokalari ezagunak eman ditu, Fernando Llorente eta Rubén Pardo adibidez.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
