Zurriola

Zurriola Donostiako hiru hondartzetako bat da, Urumea ibaiaren bokalearen eta Ulia artean kokatua. 800 metro luze da. Gros auzoan dagoenez, Groseko hondartza ere esaten zaio.

43°19′35″N 1°58′30″W

Zurriola
Ezaugarri orokorrak:
- Kokalekua	Donostia
- Luzera	800 m[1]
- Batez besteko zabalera	110 m
- Betetasun maila	Handia
- Urbanizatze maila	Handia
- Pasealekua	Bai
Hondartza mota:
- Hondar mota	Fina
- Bainuaren egoera	{{{bainua}}}
- Hondartza nudista	Bai
Kirolak:
- Surfa egiteko	Egokia
- Urpekaritza	Bai
- Besterik	{{{beste kirolik}}}
Ingurumena:
- Landaredia	Bai
- Eremu babestua	Bai ([[{{{babestua}}}]])
- Bandera urdina	Bai
Segurtasuna:
- Arrisku seinaleak	Bai
- Hondartzaina	Bai
- Udaltzaingoa	Bai
- Sorosle taldea	Bai
Sarbideak:
- Elbarrientzat	Bai
- Sarbide mota	Pasealekutik
- Sarbide seinaleztatua	Bai
Bestelako informazioa:
- Taberna kopurua	1
- Kanpina	Bai
- Herrigunerako distantzia	0 m

Luzetara, hiru pasealeku ditu: Jesus Mari Leizaola pasealekua, Zurriola pasealekua eta Luis Pedro Peña Santiago pasealekua.

1994an hasitako lanek zabalkunde handia eragin zuten: Kursaala berreraiki eta Jesus Mari Leizaola pasealekuan olatu horma bat egin zuten, gaur egun 800 m luze^[1] den hondartza ur korronte zakarretatik babesteko.

Surfa egiteko Donostiako hondartzarik aproposena da, Sagueseko aldean batik bat. Nudismoa ere egiten da. Jazzaldian, kontzertuak egiten dituzte.

Izena

Donostiaren 1719ko abuztuko mapa. Bertan ageri da Zurriola (Zuriolle forma frantsestuan) Urumeako bokalea izendatzeko.

Lehen, Zurriola hitza Urumearen bokaleko areatzak izendatzeko erabiltzen zen, batez ere ezker aldekoak. Adibidez, XX. mende hasieran bertan zegoen Zurriola pasealekua, egun Okendo plaza, Maria Cristina hotela eta Victoria Eugenia antzokia dauden lekuan.

Etimologia badazpadakoa bada ere, jatorria zur-ola esapidean du^[2], hau da zura lantzen den ola, aspalditik bertako hondarretan ontziola ugari baitzegoen.

Bitxikeria gisa, aipatzekoa da Olentzeroren abesti batean agertzen dela Zurriola, Donostian kantatzen den bertsioa izanik, noski:

Olentzero, begi gorri

non harrapatu arrain hori?

Zurriolako harkaitzetan

bart arratseko hamaiketan!

Irudiak

• 
  Zurriola eta Gros auzoa gauez.
• 
  Zurriola hondartza Urgull aldetik.

Erreferentziak

1. 800 m luze San Sebastian Turismoa webgunean
2. Antonio Arzak. (1901-01). «Etimologia de Zurriola» Euskal-Erria: 53-54..

Ikus, gainera

• Zurriola ikastola
• Zurriola pasealekua eta Zurriola hiribidea
• Zurriolako zubia

Kanpo estekak

Euskarazko Wikipedian bada atari bat, gai hau duena: Donostia

• Donostiako Udalaren informazioa Zurriolari buruz
• Zurriola hondartza Done Jakue bidean
• Zurriola webcam. Ikusi nolakoak diren oraintxe Zurriolako olatuak (zuzenean eta ordu guztietan).

• Datuak: Q2111043
• Multimedia: Zurriola beach / Q2111043