Aisha Chaudhary

Aisha Chaudhary (New Delhi, Delhi, 1996ko martxoaren 27a – Gurugram, Haryana, 2015eko urtarrilaren 24a^[1]) indiar idazle eta hizlaria izan zen, hil baino egun bat lehenago argitaratutako My Little Epiphanies liburuaren egilea.^[2] 2019ko The Sky Is Pink hindizko filma bere bizitzan oinarrituta dago.^[3][4][5]

Aisha Chaudhary
Irudi gehiago
Bizitza
Jaiotza	Delhi, 1996ko martxoaren 27a
Herrialdea	India
Bizilekua	Delhi
Heriotza	Gurgaon (en) , 2015eko urtarrilaren 24a (18 urte)
Hezkuntza
Heziketa	American Embassy School (en)
Jarduerak
Jarduerak	akademikoa

Bizitza

My Little Epiphanies liburuaren aurkezpena.

Chaudhary Niren Chaudharyren alaba zen, geroago Yum! Brands eta Panera Bread kateen Hego Asiako operazioen presidente bihurtu zena. Bere ama, Aditi, osasun mentaleko langilea zen. Ishan Chaudhary izeneko neba zaharragoa zuen eta Tanya Chaudhary ahizpa zaharragoa, zazpi hilabeterekin hil zena. Chaudhary immunoeskasi konbinatu larriarekin jaio zen. Sei hilabete zituela, hezur-muin transplantea egin behar izan zioten.^[3][6] 2009an, biriketako fibrosia garatu zuen kimioterapiaren albo-ondorio gisa.^[7][8]

Hitzaldi inspiratzaileak ematen zituen 15 urte zituenetik hil zen arte. INK Fellow izendatu zuten, eta 2011ko eta 2013ko INK konferentzietan parte hartu zuen.^[9] Hil baino egun bat lehenago argitaratu zen liburu bat idatzi zuen.^[7]

Zineman

Shonali Bosek zuzendutako The Sky Is Pink filma Chaudharyren bizitzan oinarrituta dago. Film horretan, honako aktore hauek antzeztu zuten: Priyanka Chopra (Aditi Chaudhary), Farhan Akhtar (Niren Chaudhary), Zaira Wasim (Aisha Chaudhary) eta Rohit Suresh Saraf (Ishan Chaudhary). 2019ko urriaren 11n estreinatu zen zinema aretoetan.^[3][4][5]

Netflixeko Black Sunshine Baby dokumentala ere Chaudharyren bizitzari eskainita dago.^[10]

Lanak

• My Little Epiphanies (2015)^[11]