Akadera

Akadera^[1] (akaderaz: 𒀝𒅗𒁺𒌑; logograma 𒌵𒆠) ekialdeko hizkuntza semitikoa da, haraitzina Mesopotamian, bertzeak bertze, asiriarrek eta babiloniarrek erabilia. Sorburua Akad hirian zuen.

Akadera
lišānum akkadītum — 𒀝 𒅗 𒁺 𒌑
Datu orokorrak
Lurralde eremua	Asiria eta Babilonia
Hiztunak	hildakoa (K . o. 100)
Ofizialtasuna	hasieran Akad, gero lingua franca Ekialde Hurbilean
Eskualdea	Mesopotamia
Hizkuntza sailkapena
Afroasiarra  Semitikoa   Ekialdeko Semitikoa     Akadiko
Informazio filologikoa
Hizkuntza-tipologia	SOV hizkuntza eta hizkuntza malgukaria
Alfabetoa	Idazkera kuneiformea
Hizkuntza kodeak
ISO 639-2	akk
ISO 639-3	akk
Glottolog	akka1240
IETF	akk

Mesopotamiara semiten uhinekin heldu zen K.a. 2800 urteetan. Gero, Akadtar Inperioan hizkuntza ofiziala bihurtu zen, sumerieraren ordez. Idazkera kuneiformea erabiltzen zuen. Maritik (gaurko Siriako ekialdean) Susara (Irango hegoaldean) zabaldu zen. K.a. 2000 urteetan antzinako akaderatik bi hizkera sortu ziren: babiloniera eta asiriera.

Hammurabiren Kodea babilonieraz idatzita dago. Bere garaian, babiloniera Ekialde Hurbilean lingua franca zen (adibidez, Egiptoko faraoien eta hititen erregeen artean); baina Persiar Inperioarekin pixkanaka, herriko hizkuntza gisa desagertu zen, eta III. mendetik aurrera ez dago idatzirik.