Akropoli

Akropolia (grezieraz: Ακρόπολις) Antzinako Grezian, hiri gainean kokaturiko gotorlekua zen, guda garaietan jendeari babeslekua ematen ziona. Zenbait hiritakoak dira ospetsuak: Atenasko Akropolia, Prienekoa, Mizenaskoa, Tirintokoa, eta abar.

Atenaseko Akropolia

Izena akro , "altua", "muturra" edo "ertza" esan nahi duena, eta polis, "hiria" hitzak elkartuz sortu zen: "goiko hiria", "hirigarai" edo "ertzeko hiria" bezala itzul daiteke. Ospetsuena eta ikertuena, ondo gorde ahal izen delako besteak beste, Atenasko Akropolia da, K.a. V. mendean eraikia.^[1]

Grezian Mizenastar garai hasi ziren eraikitzen baina garai klasikoetan eta geroago, aro helenistikoan eta erromatarren pean, akropolietan, hiriko tenplu garrantzitsuenak kokatuta zeuden eta hiriaren zentro zeremonial eta erlijiosoa ziren.

Akropolia hitza, greziar jatorrikoa izanik ere, antzeko ezaugarriak dituzten beste herrialdetako egiturei aplikatu zaie.