Alejandro Balde

Alejandro Balde Martínez (Bartzelona, 2003ko urriaren 18a) kataluniar futbolari profesionala da, atzelaria. Bartzelona Futbol Klubeko lehenengo taldeko jokalaria da.

Alejandro Balde
(2019) Irudi gehiago
Bizitza
Jaiotza	Bartzelona, 2003ko urriaren 18a (22 urte)
Herrialdea	Katalunia
Jarduerak
Jarduerak	futbolaria
Ibilbidea Taldeak Urteak J G Q8347106 2009 / 2010 RCD Espanyol 2010 / 2011 Bartzelona Futbol Kluba 2011 / 2021 FC Barcelona B 2020 / 2022 29 0 Bartzelona Futbol Kluba 2021 / 96 1 Espainiako futbol selekzio nazionala 2022 / 2023 7 0
Posizio edo espezialitatea	full-back (en)
Altuera	1,75 metro

Ibilbidea

FC Bartzelonan

Aita Ginea Bissaukoa du eta ama dominikarra eta Bartzelonan jaio zen 2003an^[1]. RCD Espanyolen hasi bazen ere zortzi urte zituela sartu zen Bartzelona Futbol Klubeko harrobian^[2].

2021-22 denboraldian egin zuen debuta talde nagusiarekin eta bi partida jokatu zituen, bata Errealaren aurka^[3] eta beste Athleticen aurka^[4]. Txapeldunen Ligan ere egin zuen debuta Bayern Munichen aurkako partidan, ligaxka fasean^[5].

2022-23an talde nagusiko ohikoa bihurtu da, izan ere lehen bi hilabetetan gol asistentzia gehien eman zituen jokalarietako bat izan baitzen. 2023ko martxoan Europako bost Liga handietan asistentzia gehien eman zituen 20 urtez azpiko jokalaria zen^[6]. Ligan gol bakarra sartu zuen, RCD Espanyolen aurkako derbian hain zuzen ere^[7]. Bartzelonak Liga eta Superkopa irabazi zituen urte hartan.

Espainiako selekzioan

2019an 16 urtez azpiko Espainiako selekzioarekin hasi zen jokatzen. gazte mailatako selekzio guztiak pasa ondoren 2022ko Qatarko Munduko Txapelketarako konbokatu zuten eta Costa Ricaren aurkako partidan egin zuen debuta^[8].

Palmaresa

• Espainiako Liga (1): 2022-23
• Espainiako Superkopa (1): 2023