Alopezia edo burusoiltasuna buruko ilearen galera handia da, buruan ilerik gabeko hutsuneak uzten dituena. Gizonengan gertatzen da bereziki (alopezia androgenikoa) eta hauen artean bereziki arraza zurikoak direnetan. Gaztetatik hasten den prozesua izaten da, adinarekin azeleratu egiten dena. Horrela, arraza zuriko 50 urtetik gorako gizonen artean erditik gora dira alopezia dutenak. Emakumeengan ere gertatzen da, askoz ere maiztasun txikiagoz bada ere. Faktore genetikoek eragindako alopezia arruntaz gainera, alopezia gaixotasun zenbaitek eragiten duten sintoma ere bada. Primateengan ere gertatzen da.
