Caviidae
Karraskarien ordenako zenbait ugaztunez esaten da. Bere barnean akuria hartzen duen Caviidae familia osatzen dute. From Wikipedia, the free encyclopedia
Remove ads
Caviidae familia Hego Amerikako karraskariek osatzen dute, eta akuria eta kapibarak, bizirik dagoen karraskaririk handiena, barne hartzen ditu. Hego Amerikan zehar bizi dira, inguru irekietan, bai sabana hezean, bai arantza-basoetaraino, bai sastraka basamortuetan. Karraskari familia horrek besteek baino kide gutxiago ditu: hemeretzi espezie, hiru azpifamiliako zazpi generotan banatuta.
Remove ads
Ezaugarriak
Marak izan ezik —untxi itxura handiagoa dute—, caviidaeek gorputz motz eta astunak eta buru handiak dituzte. Gehienek ez dute isats ikusgarririk. Tamaina desberdinak dituzte: akuriak 22 cm-ko luze dira eta 300 gramoko pisua dute, baina kapibarak 106-134 cm arteko luze dira eta 35-66 kilogramo arteko pisua dute. Pliozenoan animalia are handiagoak ere egon ziren, hala nola Phugatheriuma, gutxi gorabehera tapir baten tamainakoa zena.
Belarjaleak dira, belar gogorrak edo hosto leunagoak jaten dituzte, espeziearen arabera. Hortz-formula beste karraskari batzuenaren antzekoa da: 1.0.1.3 / 1.0.1.3. Emeak bizpahiru kume iletsu eta aktiboz erdi dira, espezie gehienetan 50 eta 90 egun arteko haurdunaldiaren ondoren —kapibararen kasuan, 150 egun—. Espezie gehienetan, jaio eta hilabete gutxiren buruan heldutasun sexuala lortzen dute; kapibara, ordea, hemezortzi hil inguru arte ez da heldutasunera iristen.
Antolaketa oso aldakorra da taldeen artean. Akuri asko promiskuoak dira, ez dute talde iraunkorrik osatzen, espezie batzuetan arrek bi eme edo gehiagoko haremak mantentzen dituzten arren. Marak, aldiz, monogamoak dira, eta aldi baterako kolonia-zaindegiak eratzen dituzte, ama anitzen kumeak zaintzeko. Kapibarak hamar banako inguruko taldeetan bizi dira, eta batzuetan askoz gehiago halaber, bakoitzak ar nagusi bakarra duela, hainbat eme, menpeko ar eta gazte batzuekin.
Remove ads
Sailkapena
- Caviinae azpifamilia
- Cavia
- Cavia aperea
- Cavia porcellus
- Cavia anolaimae
- Cavia fulgida
- Cavia guianae
- Cavia intermedia
- Cavia magna
- Cavia nana
- Cavia tschudii
- Galea
- Galea musteloides
- Galea monasteriensis
- Galea spixi
- Galea flavidens
- Microcavia
- Cavia
- Dolichotinae azpifamilia
- Dolichotis
- Pediolagus
- Pediolagus salinicola
- Hydrochoerinae azpifamilia
Remove ads
Kanpo estekak
Wikiwand - on
Seamless Wikipedia browsing. On steroids.
Remove ads