Costa Brava

Costa Brava (katalanez ˈkɔstə ˈβɾaβə ahoskatua; «kosta arrokatsua»^[1] euskaraz) Kataluniako kostaldearen eremu nagusi eta ezagunenetarikoa da, 214 kilometrotako luzerarekin Gironako probintzian zabaltzen dena Portboutik Blanesera, Alt Empordà, Baix Empordà eta Selva eskualdeak barne hartuz.

Costa Brava
Mota	Itsasertza, tourism region (en) eta helmuga turistikoa
Geografia
Koordenatuak	42°01′22″N 3°13′28″E
Estatu burujabe	Espainia
Autonomia	Katalunia
Eremu funtzionala	Comarques Gironines
Ur-gorputza	Mediterraneoa

Historia

"Costa Brava" izena lehenengo aldiz argitaratu zuen Ferran Agulló poeta eta idazleak "La Veu de Catalunya" egunkarian 1908ko irailaren 12an, kostaldearen zati handi batek eskaintzen duen paisaia harkaiztsu eta malkartsua kontuan hartuta.

1930eko hamarkadan lehenengo bainulariak hasi ziren modu esanguratsu batean hango hondartzak bisitatzen, baina 1950eko eta 1960ko hamarraldietan benetako gorakada gertatu zen, turismo eztanda bihurtuz.

Udalerriak

Iparraldetik hegoaldera hauek dira kostaldeko udalerriak: Portbou, Colera, Llançà, El Port de la Selva, Cadaqués, Roses, Castelló d'Empúries, Sant Pere Pescador, L'Armentera, L'Escala, Torroella de Montgrí, Pals, Begur, Palafrugell, Mont-ras, Palamós, Castell-Platja d'Aro, Sant Feliu de Guíxols, Tossa de Mar, Lloret de Mar eta Blanes.

Gune babestuak

Ingurune guztiaren %30 inguru babestuta dago, hurrengo toki hauek nabarmentzen direlarik:

• Creuseko lurmuturreko natura parkea.
• Aiguamolls de l'Empordàko natura parkea.
• Medas uharteak
• Ses Negres itsas-babesgunea.
• Lorategi botanikoak.
• Hainbat hondartza.