Eduarda Dionísio
idazle portugesra From Wikipedia, the free encyclopedia
Remove ads
Eduarda Dionísio (Lisboa, Portugal, 1946 - ibidem, 2023ko maiatzaren 22a) portugaldar idazlea izan zen.
Biografia
Aldizkari eta egunkarietan idazteaz gainera, literatura-antologien apailatzaile, antzerkigile eta antzezle ere bada. Kontagintzaren eraberritze interesgarri baten protagonista izan da, zeinean nahasten baititu lagunarteko hizkera, deskribapenak eta diskurtso dokumentala, eta irakurketa parte-hartzailea bultzatzen baitu. Bere obran Portugalgo azken hogeita hamar urteetako historia politiko eta soziala islatzen dira. Artea, bizitza eta politika hartzen dituen literatura-sentiberatasun berri baten bidez, eta erregimen autoritario baten aurkako borroka, krabelinen iraultzaren berotasuna, utopiaz kargatutako itxaropena eta geroko frustrazioak bizi izan zituen belaunaldiaren begiez, herrialde hartako giroa jasotzen du bere obran.
Remove ads
Lan nagusiak
- Retrato dum amigo enquanto falo (1979)
- Histórias, memórias, imagens e mitos duma geraçao curiosa (1981)
- Títulos, acções e obrigações: a cultura em Portugal (1994)
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q3754466
Wikiwand - on
Seamless Wikipedia browsing. On steroids.
Remove ads