Fondant txokolate

Frantziar sukaldaritzan, fondant txokolatea^[1] edo mi-cuit au chocolat edo coulant txokolatezko pastel mota bat da. Barnealdea jariakor eta kanpoaldea gogor ditu. Michel Brasek asmatu zuen 1981ean.^[2]

Fondant txokolate
Txokolatezko tarta
Osagaiak	azukrea, oilo-arrautza, txokolatea eta gari-irina

Txokolate coulant errezeta

Txokolate coulanta

4 pertsonentzat.

Osagaiak

• Txokolate estalki beltza: 150 g.
• Gurina: 50 g.
• Arrautza: 3.
• Azukre: 80 g.
• Irin: 20 g.
• Marakuia saltsa naturala: 200 ml.
• Gurina eta irina pitin bat: Moldeak estaltzeko.

Prestaketa

1. Labea 200ºC-tan piztu. Coulantaren molde indibiduala gurinarekin eta irinekin estali.
2. Txokolatea eta gurina katilu batean urtu eta hagatxoarekin nahasi.
3. Beste pertz zabal batean arrautzak eta azukrea batu eta hagatxoarekin harrotu edo zuritu bitarte. (Pazientzia izan, zeren hau eskuz egiteak denbora eskatzen du: 15 minutu inguru. Nahasketak bolumenean hirukoiztu.
4. Hemendik aurrerakoa oso kontuz egin behar dugu, lehenik arrautza harrotuarekin txokolatea eta gurina nahastuko ditugu; ondoren, irina. Saiatu behar dugu arrautzak bolumena gal ez dezan.
5. Dena ongi nahasirik, moldeak bete (inoiz ez bete 3/4 baino gehiago) eta labean 4 minutuz sartu.
6. Aukeratutako moldea irekian izan bada, espatula batekin zerbitzatu beharreko platera atera, eta moldea kontu handiz kenduko diogu, oso ohikoa izaten baita bizkotxoa erortzea.

Aholkuak

• Coulanta gutxi egindako txokolatezko bizkotxo arinaren moduan defini genezake.
• Zerbitzatzeko garaian, Coulanta ontzitik kanpora atera nahiko bagenu, aukeratutako moldeak goitik eta behetik irekia behar luke. Hori moldetik ateratzeko zailago izango da. * Horrela balitz, moldearen barrutik labeko paper tira bat erantsi beharko genioke, gurinez lagundurik.
• Txokolatea urtzeko bi aukera: maria bainuan urak irakin gabe, edo mikrouhinean tenperatura baxuan.
• Maracuya edo pasio fruitua oso ondo dijoakio; fruitu tropikala dugu, gurean honen zukua izoztua edo tetrabrikean saltzen da. Naturala ere gero eta errazago eros liteke; baldin eta izango ez bagenu, edozein fruitu gorri balia dezakegu.