Frans Post

Frans Janszoon Post (Haarlem, 1612ko azaroaren 17a - ibidem, 1680ko otsailaren 17a) Herbehereetako margolari barrokoa izan zen. Hego Amerikan ikuspegiak margotu zituen lehendabiziko europarra izateagatik ezaguna. Margo hauek Brasilgo Pernambuco eta São Francisco ibaian egin zituen.

Frans Post
Irudi gehiago
Bizitza
Jaiotza	Haarlem, 1612ko azaroaren 17a
Herrialdea	Zazpi Herbehere Batuen Errepublika
Bizilekua	Recife Haarlem
Heriotza	Haarlem, 1680ko otsailaren 17a (67 urte)
Hobiratze lekua	Grote Kerk (en)
Familia
Haurrideak	ikusi Pieter Post
Hezkuntza
Hizkuntzak	nederlandera
Jarduerak
Jarduerak	margolaria eta bidaiaria
Lan nabarmenak	ikusi Brasilian Landscape (en) View on Tamaracá Island, Brazil (en) View of Olinda, Brazil (en) Landscape with Chapel (en)
Influentziak	Pieter Post
Kidetza	Haarlem Guild of St. Luke (en)
Mugimendua	Barrokoa
Genero artistikoa	paisaia margolaritza

Bizitza

Gutxi dakigu Frans Posten bizitzari buruz. Informazio-sorburu nagusia Arnold Houbrakenen Groote Schouburgh der Konstschildeus em Schilderessen (1719) lanetik lortutakoa da. Hauek, aldi berean, hainbat biografia eta eliza eta bestelako erregistroen ingurutik lortutakoak dira.

Jan Janszoon Post eta Francyntie Peters-en hirugarren semea izan zen. Bere aitak Haarlemen beirateak margotzen zituen, eta Frans umea zela zendu egin zen. Ez dakigu nola ikasi zuen margotzen. Houbrakenen esanetan, Brasila joan aurretik bere aitaren lanbidean aritu izan zen, baina informazio horrek ez dirudi gertatutakoa argitu dezakeenik. Antza, bera anaia nagusiak irakatsi zion, Pieter Post (1608-1669?) arkitekto eta margolaria bera. Pieterek Jacob van Campen arkitekto entzutetsuarekin lan egin zuen Mauritshuis eraikitzen. 

Engenho com capela,  Frans Post.

Frans Post  24 urte zituela, 1637an Brasila heldu zen, eta bere bezeroak asetzeko Brasilgo irudi bilduma handia sortzeko hainbat espediziotan parte hartu zuen. 1637tik 1644ra, Hego Amerikako ikuspegiak margotu zituen lehendabiziko europarra izan zen.

1644ko uztailean Haarlema itzuli zen, eta bere egoitza Smeetstraaten jarri zuen. 1646an San Lucas margolari-elkarteko kide egin zen. Europara itzultzean Historia Naturalis Brasiliae (1648) liburu entzutetsua irudiztatu zuen. 1650ko martxoaren 27an Sandvoort elizan Jannetye Bogaretekin ezkondu zen, Salomon Bogaerten alaba bera eta hiru seme alaba izan zituzten.

Lana

Posten berrehun margolan inguru daude egun, eta horietatik hogeita hamabik izenpea eta data dute eta izenpea besterik ez, berrogei. Lehenengoen bidez artistaren nondik norakoak eta bilakaera jakin ditzakegu.

Sao Francisco ibaia, 1635, oihal gaineko olio-margolana, 60 x 95 cm, Louvre Museoa, Paris.

Honatx Posten margolan batzuk:

• Sao Francisco ibaia, 1635, Louvre Museoa, Paris
• Itamaracá uhartea, 1637, Mauritshuis, Hagako
• Fort Fredrik Hendrik, 1640, Recifeko, Brasilen
• Ur-jauzia, Paulo Afonso, 1649
• Ogasuna, 1652, Landesmuseum Mainz
• Ezta kapera, 1667
• Pernambuco inguruko ikuspegia, 1669

Kanpo-estekak

• Datuak: Q577489
• Multimedia: Frans Post / Q577489