Georges-Louis Leclerc de Buffon

Georges Louis Leclerc, Buffon Kondea (Montbard, 1707ko irailaren 7a - Paris, 1788ko apirilaren 16a) frantziar zientzia-gizona eta idazlea izan zen. Legegizona izan zen hasieran; gero izadiaren zientziez interesatu zen, eta 1739an Erregearen lorategiko arduradun izendatu zuten.

Georges-Louis Leclerc de Buffon
Irudi gehiago
7. seat 1 of the Académie française (en) 1753ko ekainaren 23a - 1788ko apirilaren 16a ← Jean Josef Languet - Félix Vicq-d'Azyr (en) → director of the Muséum National d'Histoire Naturelle (en) 1738ko abuztua - 1788ko apirilaren 18a ← Charles François de Cisternay du Fay - Auguste Charles César de Flahaut de La Billarderie (en) →
Bizitza
Jaiotzako izen-deiturak	Georges-Louis Leclerc de Buffon
Jaiotza	Montbard, 1707ko irailaren 7a
Herrialdea	Frantzia
Bizilekua	Frantzia
Lehen hizkuntza	frantsesa
Heriotza	Paris, 1788ko apirilaren 15a (80 urte)
Hobiratze lekua	Église Sainte-Urse de Montbard (en) Historia Naturalaren Museoa
Familia
Ezkontidea(k)	Marie-Françoise de Saint-Belin-Malain
Seme-alabak	ikusi Georges Louis Marie Leclerc de Buffon (en)
Hezkuntza
Heziketa	Collège des Godrans (1717 - 1723) Borgoinako Unibertsitatea (1723 - 1728) : zuzenbide University of Angers (en) (1728 - 1730) : matematika
Hizkuntzak	frantsesa alemana
Jarduerak
Jarduerak	botanikaria, bulkanologoa, ornitologoa, fisikaria, matematikaria, itzultzailea, biologoa, zoologoa, filosofoa, entomologoa, astronomoa, marrazkilaria, idazlea eta naturalista
Lantokia(k)	Brusela
Lan nabarmenak	ikusi Histoire naturelle Buffonen orratza
Jasotako sariak	ikusi Royal Societyko kidea  (1740) Fellow of the American Academy of Arts and Sciences
Influentziak	Nicolas Antoine Boulanger (en)
Kidetza	Frantses Akademia Royal Society Arteen eta Zientzien Ameriketako Estatu Batuetako Akademia Estanislao Akademia Zientzien Errusiar Akademia Prusiako Zientzien Akademia XL izeneko Zientzien Akademia Nazionala

Ibilbidea

Buffonek beste zenbaitekin batera egindako Histoire naturelle (1749-1789) obra gaitzak (44 liburuz osatutako lana) hedapen handia izan zuen. Zientzia-ezagupena esperientziaren gainean eraiki nahiz, behaketa zorrotz baten ondotik animalien deskribapen zehatzari ekiten zion liburuan. Ildo horretatik, Lineok plazaraturiko moten sailkapenari kritika egin zion, mugatuegia zelakoan. Eboluzionismoaren aitzindari, animalia biziaren egonkortasunari eztabaidagarria iritzirik, izakien aurrerabide eta kateatzearen ideia adierazi zuen.

Lurraren garapenaren inguruko ideia ausartak eman zituen: 75.000 urte zituela Lurrak, eta 40.000 urte lehenago hasi zela bertan bizitza. Hoztu aurretik Lurrak 90.000 urte iraungo zituela ere baieztatu zuen. Ikuspegi hauek elizarekin erlazio gorabeheratsua izatera eraman zuten.^[1]

Bestalde, idazketaz ere arduratu zen, idatzizko adierazpidea gaiari egokiro lotua egon behar zuela aldarrikatuz: Discours sur le style (1753).

Buffonen lana berehala hedatu zen Frantziatik kanpo. Euskalerriaren Adiskideak elkarteak bere ikasgaien artean sartu zuen, eta Bergarako seminarioan Histoire naturelle delakoaren lehen egokitzea (Historia natural del hombre, 1773) testuliburu gisa erabili zen.