Gidari

Gidari edo –automobilenak bakarrik– autozain ibilgailu motordun batean, bereziki automobil eta autobusetan, beste pertsona batzuk garraiatzen dituen langilea da.

Japoniar autozain bat.

Hegoaldean gidariei herri-mailan txofer esaten zaie,^[1] eta Iparraldean lagunartean xofur.^[2] Izenok frantsesezko chauffeur hitzetik datoz, antzinako autoak abian jartzeko aurrez berotu (frantsesez: chauffer) behar baitziren; egunaren hasieran motorraren beroketa lan hori egiten zutenetatik pilotu eta gidariengana hedatu zen izena.

Kamioi- eta taxi-gidariei, hurrenez hurren, kamioilari eta taxilari ere deitzen zaie.