Henry

Henrya (ikurra: H^[1]) induktantzia elektrikoaren unitatea da Nazioarteko Unitate Sisteman (SI).

Michael Faradayren garai berean indukzio elektromagnetikoa aurkitu zuen Joseph Henry fisikari estatubatuarraren omenez izen hori jarri zitzaion^[2].

Definizioa

Zirkuitu elektriko baten induktantzia henry bat da segundoko ampere batean aldatzen ari den korronte elektriko batek volt bateko indar elektroeragilea eragiten duenean induktorean:

${\displaystyle \displaystyle V(t)=L{\frac {dI}{dt}}}$.

V(t) zirkuituan sortzen den tentsioa adierazten du, I(t) zirkuituan zeharkatzen duen korrontea eta L zirkuituaren induktantzia da.