Hermann Sprengel

Hermann Sprengel (Schillerslage, 1834ko abuztuaren 29a - Londres, 1906ko urtarrilaren 14a) alemaniar fisikari eta kimikaria izan zen. Ingeles herritartu zen. Oxfordeko eta Londresko unibertsitateetan irakasle izan zen. Hutsuneari buruz egin zituen azterketengatik da ezagun; hutsunea egiteko bonba bat asmatu zuen, 1881ean bonbilla elektrikoak egiteko erabili zena. Isurkarien masa espezifikoa eta dilatazio-koefizientea neurtzeko tresna bat ere asmatu zuen. Indar handiko lehergailuak egiteko, hainbat gai kimiko aztertu zituen; azido pikrikoa, adibidez. Beste gauza askoren artean, bere izena duen piknometroa ere asmatu zuen.

Hermann Sprengel
Bizitza
Jaiotza	Schillerslage (en) , 1834ko abuztuaren 29a
Herrialdea	Prusiako Erresuma
Heriotza	Londres, 1906ko urtarrilaren 14a (71 urte)
Hezkuntza
Heziketa	Heidelbergeko Unibertsitatea
Tesi zuzendaria	Robert Wilhelm Bunsen
Hizkuntzak	alemana
Jarduerak
Jarduerak	kimikaria, fisikaria eta asmatzailea
Jasotako sariak	ikusi Royal Societyko kidea
Kidetza	Royal Society

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q67045