Ibarrekolanda
From Wikipedia, the free encyclopedia
Remove ads
Ibarrekolanda Bizkaiko iparraldeko auzo bat da. Deustun dago, Bilboko lehen barrutiaren barnean. Mugakide ditu iparraldean San Ignazio auzoa eta hegoaldean Deustuko Doneperiaga auzoa. XX. mendearen erdialdera arte, Ibarrekolandan baserriak, ortuak eta Zubiria familiaren jauregia baino ez zeuden.
Remove ads
Historia
1925. urtean Deustuko elizateak bere independentzia galdu zuen, Bilbori anexionatuta. Urte hartatik aurrera, Bilboren barruan gelditu ziren Ibarrekolanda eta Deustuko gainerako aldeak (Arangoiti, San Ignazio, Elorrieta eta Zorrotzaurre), nahiz eta Deustuko barrutian dirauten.
1950eko hamarkadan, gaur egungo Ekonomia eta Enpresa Zientzien Fakultatea sortu zen.
1960ko hamarkadatik aurrera, hiriaren etxebizitza beharrak asetzeko, etxebizitza ugari eraiki zen. 38,70 hektarea ditu auzoak, eta bertan 11.748 biztanle bizi dira; Bilbon dentsitate handiena duten auzoen artean dago. Horrela, Arbolagaña (zuhaitz baten gainean oholtza zegoen) txakolindegia galdu zen.
Agirre Lehendakaria etorbideak bitan banatzen du auzoa.
Remove ads
Garraio Publikoa
Autobusa
Auzoa Bilboko erdigunearekin eta gainontzeko auzoekin batzen duten lau Bilbobus linea daude. Autobusek Lehendakari Agirre etorbidean zehar egiten dute garraioa.
Metroa eta trenbidea
Bilboko metroaren tarte komuna Sarrikoko geltokia, Benidorm kalea eta Lehendakari Agirre etorbidean dago. Metroaren eraikitze lanak hasi zirenean, bigarren sarbide bat jartzea pentsatu zen, Arrue Margolariak eta Lehendakari Agirre etorbidea batzen diren tokian, baina azkenik ez zen beharrezkotzat jo.
1995. urtean Bilboko metroa zabaltzearekin batera EuskoTrenen Plentziako linearen Erandiotik aurrerako tartea metroaren lehen linea bilakatu zen. Horrela Erandio eta Bilboko Deustu auzoaren arteko tartea bertan behera geratu zen; horrekin batera, Orixe kalean zegoen geltoki zaharra. Ondorengo urteetan trenbidea kendu egin zen, eta gaur egun, ez da trenbidearen arrastorik geratzen.
Remove ads
Kale garrantzitsuenak
- Agirre lehendakariaren etorbidea
- Orixe kalea
- Larrako Torre Kalea
Unibertsitatea
Auzoan Euskal Herriko Unibertsitateko Ekonomia eta Enpresa Zientzietako Fakultatea dago, gaur egun 6.000 ikasle inguru dituena. 1955ean zabaldu zen.
Larrako dorretxea
Larrako dorretxea Ibarrekolandan kokatuta dago.
Argazki galeria
EHUren Ekonomia eta Enpresa Zientzien Fakultatea, Sarrikoko campusean.
Bilboko Metroaren Sarrikoko geltokia.
_2.jpg)
Kanpo estekak
 |
Euskarazko Wikipedian bada atari bat, gai hau duena: Bilbo |
Datuak: Q11926321
Wikiwand - on
Seamless Wikipedia browsing. On steroids.
Remove ads