Inguma

Inguma euskal mitologiako izaki bat da, etxeetan sartu eta barruko biztanleak lo daudenean, izorratu egiten dituena amesgaiztoak sortuz. Mauma ere esaten zaio. Euskal mitologian, mota askotako ingumak aurki ditzakegu: eraikitzailea eta suntsitzailea, ona eta gaiztoa eta baketsua eta oldarkorra.

Artikulu hau euskal mitologiako pertsonaiari buruzkoa da; UEUren datu-basea gaitzat duena beste hau da: «Inguma (datu-basea)»

Inguma
euskal mitologia
Ezaugarriak
Baliokideak	Pesanta (en) eta Lietuvēns
Domeinua	amesgaiztoa

Inguma amets gaiztoen arduraduna da. Esaten da gauetan etxeetara sartzen direla jendea lo dagoenean. Ateetako sarrailetatik edo etxeko ate leihoen zuloetatik laino moduan sartzen da. Isilpean hurbiltzen dira eta lo daudenen lepoak estutzen dituzte hauen arnasketa zailtzen.

Herri ohiturak

Ezpeletan eta Saran honakoa abesten dute Inguma ager ez dadin^[1]:

«

"Inguma, enauk hire izu Jainkoa eta Andre Maria hartzentiak lagun; zeruan izar, lurrean belar, kostan hare haiek denak zenbatu arte etzadiela niganat ager."

»

Arrasaten, Amandre Santa Ines gurtzen egiten zen Ingumaren gaueko eragin gaiztoaren aurka^[2][3].

Herri kulturan

Paul Urkijoren Gaua filman (2025), Ingumari eskainitako atal bat dago^[4].