Isaias

Isaias^[1] (hebreeraz: יְשַׁעְיָהוּ, estandar: Yeshayahu, tiberieraz: Yəšạʻyā́hû; antzinako grezieraz: Ἠσαΐας, Ēsaïās ; arabieraz: شعيا Shaiya; "Yahveh nire salbatzailea da"^[2])) K.a. VIII. mendeko Israelgo profeta izan zen, Asiriar Inperioak eragindako krisi garaian profetizatu zuena. Bere izena duen Bibliako liburuaren lehen zatia gutxienez idatzi zuen.

Isaias
Irudi gehiago
profeta
Bizitza
Jaiotza	Judeako Erresuma, K.a. 766
Herrialdea	Judeako Erresuma
Talde etnikoa	Israelita
Heriotza	K.a. 686 (79/80 urte)
Familia
Aita	Amoz
Seme-alabak	ikusi Maher-shalal-hash-baz (en) Shearjashub (en) Immanuel (en)
Familia	ikusi Uzziah (en) (lehengusu)
Hezkuntza
Hizkuntzak	Bibliako hebreera
Irakaslea(k)	Amos
Ikaslea(k)	ikusi Mikeas
Jarduerak
Jarduerak	idazlea, profeta eta Orakulua
Santutegia
Maiatzaren 9a
Ideologia eta sinesmenak
Erlijioa	jahvismoa

Ziur aski Jerusalemen jaio zen, K.a. 770-760 inguruan, eta errege-familiarekin ahaidetuta zegoen. Berak esanda, badakigu emakumezko profetisa batekin ezkonduta egon zela, eta bi seme izan zituela. Profeta nagusietako bat dela esaten da. Uste da mende erdiz egin zuela lan profeta gisa.

Haren lanak poeta handia zela erakusten du, estilo bikainekoa eta konposizio eta doitasun harmoniatsukoa. Kritikarien ustez, harenak dira Isaiasen liburuko 1-12, 15-24 eta 33-35 kapituluak, eta eztabaidagai da liburuaren gainontzekoaren egiletza. 36-39 kapituluak hirugarren pertsonan idatzita daude, eta ziur aski, beste idazle batzuek idatzi zuten.